æluskjóðan @ rassgat.net

heima er blast

2008-10-15T22:24:00.000Z

www.rassgat.net

borg óttans

2008-08-15T20:05:00.000Z

Jæja, hvað getur maður sagt um áframhald skrípaleiksins í Reykjavík? Ég er satt að segja nánast orðlaus yfir hvernig Sjálfstæðisflokkurinn og hækjur hans fara með borgina mína. Borgina mína segi ég þrátt fyrir að maður skammist sín hálfpartinn fyrir stjórn borgarinnar. Borgina mína segi ég sem stoltur Reykvíkingur og afneita fremur stjórn hennar en borginni minni því þessir aðilar fara ekki um með valdagræðgi og baktjaldamakki í mínu umboði! Alveg jafn mikill viðbjóður þykir mér þessi meirihlutastjórn sem og hin fyrri með atvinnufórnarlambinu og þrjóskupúkanum doktor Ólafi Eff, þeim særða hvolpi sem viðurkennir nú að doktor Dagur Bé hafði rétt fyrir sér um blekkingar Sjálfstæðismanna. Eini munurinn nú og þá er sá að nú hefur fatlaður flokkur með áhyggjur af vinsældum sínum aðeins þægilegri hækju. Þægilegri að því leytinu til að nú er hægt að vinna málin á bak við tjöldin eins og flokksins er siður og reyna að þegja hlutina í hel. Þannig skal treyst á að minni kjósenda bregðist þegar kemur að næstu kosningum að kjósandinn huxi sem svo að fyrst enginn læti hafi orðið upp á síðkastið þá séu menn að standa sig vel. Ég man og ég kýs.

jafnrétti

2008-07-25T18:30:00.001Z

Gamlehh ghetto hooligan situr við tölvuna að myrða tímann fram að ÍR-leik osso tónleikum í borg óttans yfir eins og einum eða tveimur fernum af djöfladjús. Hvers vegna ekki að blogga?!

Búinn að ganga um með lítinn bloggling í kollinum í nokkurn tíma sem bjórauglýsing nokkur vakti aftur til lífsins. Var þar á ferðinni auglýsing fyrir Lite öldósir þar sem raknir voru nokkrir "merkustu" atburðir í sögu íslenskra kvenna. Skemmst er frá að segja að þar bar hæst sundbolir, bikini-sundföt, fegurðarsamkeppnir og jú þessi umræddi horbjór. Nú hef ég ekkert sérstaklega verið orðaður við femínismann en þykir mér þessi sýn auglýsingafólks alveg mögnuð og væri nokkuð athyglisvert að sjá hvaða, og jafnvel hvernig, fólk kemur svona löguðu á koppinn.

En það sem þó hefur vakið meiri furðu mína þetta sumarið og var upphafið af þessum pistli eru dagskrár sjónvarpstöðvanna Skjás eins og Stöðvar tvö. Í skugga fótboltahátíðarinnar á RÚV þótti forkólfum áðurnefndra stöðva alveg kjörið að henda upp einshvers konar stelpudagskrá. Því jú eins og allir vita þá horfa kvenmenn eigi á íþróttir og þarf því að sníða dagskrá sérstaklega að þeim svo þær hafi nú eitthvað að gera á meðan pungsveittur makinn situr öskrandi fullur með hinum gaurunum yfir sparkinu. Og hvað er það sem er talið höfða til kvenna? Jú ógrynni af "raunveruleika"-þáttum um allt frá vafasömum útlitsbreytingum til leit heilalausra puntudúkka að ýmist einhvers konar ást eða frama í því að vera gína, vandamálaþættir, sápuóperur og svo lélegar sjónvarpsmyndir að þær komast ekki einu sinni með tærnar þar sem B-myndir hafa hælana!

Er þetta virkilega sýn manna á kvenmenn?! Eru þær upp til hópa vælandi fífl og einskis nýtar puntudúkkur?! Og það merkilegasta af öllu fannst mér að er ég fletti því upp á netinu þá kom það í ljós að dagskrárstjóri og aðstoðardagskrárstjóri Skjás eins eru hvoru tveggja kvenmenn. Ja hérna hér, konur eru konum verstar segi ég nú bara. Er það nema furða að ólöglegt niðurhal blómstri á stormskerinu?

Ojæja, vællinn búinn. Yfir og út.

steríótýpur

2008-06-13T12:51:00.000Z

Mér var litið á baksíðu Tuttuguogfjögurra stunda rétt í þessu og þar blasti við mér eitthvað sem ég persónulega myndi hreinlega telja til heimsku og fæ ekki skilið hvurnig ratar á prent.

Í fyrsta lagi grein einhverrar Þóru Þórarinsdóttur sem "vill sjónvarp allra landsmanna" undir yfirskriftinni "Sjónvarpið þarf sér-íþróttarás". Í henni tekur hún til við að rekja eitthvað sem kalla mætti rök fyrir þessari bón sinni að Sjónvarpið opni sér rás undir íþróttir af því að annars séu þeir ekki að þjóna öllum landsmönnum vegna þess að það eru svo margir sem hafa ímugust á íþróttum. Væl sem kunnuglegt er í kringum öll íþróttamót er sýnd eru á RÚV. Vandinn við "rök" þessi er sá að ég og fjölmargir gætum þá alveg eins tekið við að væla yfir því að Sjónvarpið sýni t.d. sápuóperur, kvikmyndir eða jafnvel táknmálsfréttir af því að það þjónar ekki mínum áhuga eða þörfum og þar af leiðandi ekki "öllum landsmönnum", og þar með ætti RÚV með það sama að opna sér rás fyrir kvikmyndir, þætti, fréttir eða hvaðeina sem þjónar ekki öllum landsmönnum! Það eina sem yrði þá eftir á aðalrás RÚV er efni það sem næst kemst því að fá 100% áhorf, Júgravísjón, handboltalandsleikir, Spaugstofan og Áramótaskaupið í öll mál og verði þá landsmönnum að góðu! Það verður aldrei öllum gert til geðs svo það eina sem ég vil segja við Þóru og hennar líka er sjöttðefökköpp og finndu þér eitthvað annað að gera yfir íþróttavertíðir en að glápa á imbakassann!

Því næst rak ég augun í greinling undir yfirskriftinni "Forkastanlegt og ótrúlegt" þar sem formaður félax eldri borgara í Reykjavík hneykslast á því að nýfangelsaður eiturlyfjainnflytjandi sé löggilt gamalmenni. Merkileg ekki-frétt vaðandi í aldursfordómum frá manneskju sem ætti jú að vita betur sem talsmaður krumpudýra í borg óttans. Hef aldrei skilið fólk sem heldur að hitt og þetta megi ekki lengur sé það komið á vissan aldur. Ég hef sem dæmi valdið ófáum vinum og vandamönnum gríðarlegum vonbrigðum með því að fullorðnast ekki í einum grænum um leið og ég varð þrítugur! Punktið þetta niður: Fíflagangur, hlátur og lífsgleði er eitthvað sem ber að brúka í æsku sinni og trappa svo niður þar til maður endar sem gleðisnauð afturganga í biðsal dauðans.

Þetta var röfl daxins í boði Zitromax-sýklalyfja.

15 og hálf mínúta

2008-06-12T00:25:00.000Z

Hið krúttlega en jafnframt daunilla rassgat hefur öðlast semí-frægð á ný í bloggfærslu hæstvirts herra Doktor Gunna:

"11.06.08
Á nýju plötunni, sem kemur út í haust, verður að öllum líkindum kóverlag með nýjum texta eftir mig sem heitir Rassgat. Rassgat er bæði net og com."

Magnetic sjitt, ég sem hélt að mínar fimmtán mínútur væru löngu búnar og dauðinn væri á næsta leyti. Nú er toppnum lox náð og get ég því farið að velja ilmsteininn sem skal brúkast er ösku minni verður sturtað niður við hátíðlega athöfn við undirspil "Seasons in the Sun (gusgus David remix)" í flutningi Leoncie og Júró-bandsins. Þér er ekki boðið.

kjaftæðehh

2008-06-11T21:06:00.003Z

Mér hefur alltaf þótt það fremur kyndugt að þurfa að segja mig úr hinu og þessu sem ég skráði mig ekki í til að byrja með. Og hef ég að sama skapi þótt kyndugur fýr að hafa skoðanir á málunum og velja mér leið sem hentar mér í stað þess að gera bara eins og hinir. Sérviska? Máski. Merki um lífsmark, án efa.

Þjóðkirkjunni hef ég sagt mig úr af augljósum ástæðum en skil þó upp að vissu marki hví ég var skráður í það helgislepjubákn, það var ákvörðun foreldra minna. Eða öllu heldur þá flutu þau með meginstraumnum eins og flestir. Ég kýs, að vandlega íhuguðu máli, að standa utan við öll trúfélög og óska þess að aðrir beri einnig gæfu til þess að taka ákvarðanir í stað þess að vera skoðanalaus dauðyfli. (Nú er bara að bíða þess að skattpeningar mínir hætti líka að renna til trúfélaga... ó Útópía hvar eruð þér?!)

Heilbrigðisgagnagrunninum margfræga þurfti ég að segja mig úr án þess að hafa nokkurn tíma gefið leyfi til þess að upplýsingar mínar yrðu brúkaðar á nokkurn máta annan en í það sem liggur í augum uppi. En miðað við fárviðrið sem varð í kringum gagnagrunninn á sínum tíma þá er það býsna fyndið að eftir því sem ég kemst næst þá komst hann aldrei í gagnið. En það breytir því þó ekki að meirihluti þjóðarinnar hefur með þögn sinni gefið leyfi fyrir því að heilsufarsupplýsingar þess verði notaðar. Í göfugum tilgangi og til framdráttar læknavísindunum segja sumir, í annarlegum tilgangi og undir þumli "stóra bróður" segja aðrir. Hvort heldur sem er þá kæri ég mig lítt um að viðkvæmar upplýsingar um mig séu til en þar sem slíkt er óhjákvæmilegt þá a.m.k. að þær fari þá ekki annað en þangað sem eðlilegt getur talist.

Hjá þjóðskránni frábað ég mér það að vera hluti af úrtökum skránnar sem svo seldar eru þriðja aðila. Og þó hafði ég aldrei beðið um að vera með í neinu slíku, einungis gerst svo djarfur að búa á Íslandi. Ætli almenningur vita almennt af þessari aukabúgrein Þjóðskránnar og hví það losnar seint við símasölumennina hressu?!

Í símaskránna þurfti ég að biðja um sérstaka merkingu sem myndi banna að upplýsingar mínar þar væru notaðar til símasölu, sem þó virkar ekki nema sölumennirnir séu heiðarlegir og/eða maður sé ekki hluti af úrtaki þjóðskrár til símasölufyrirtækjanna hvimleiðu eins og áður segir. Merkilegt nokk.

Síðast þegar ég ferðaðist með flugi þá þurfti ég að afþakka aukaþjónustu og þ.a.l. aukakostnað í stað þess að panta þjónustuna auknu sérstaklega. Svoleiðis vinnubrögð virðast reyndar algild á Netinu því miður.

Ég hef oft átt rökræðurnar um "núllpunktinn" góða. Af hverju fáum við ekki að hefja lífið, eða lifa því ef því er að skipta, án þess að vera skráð í eitt eða neitt nema þá máski samfélag manna og lýðræðið sem var ákveðið að notast við? Hvenær færðist "núllpunkturinn" þannig að með lífinu fáum við nú alls konar óumbeðinn aukabónus/vesen í stað þess einfaldlega að nálgast sjálf það sem við viljum eða vanhagar um? Megum við búast við því að með tímanum fylgi með fæðingarvottorðinu torfært smátt letur sem tíundar allt það er við höfum skuldbundið okkur í einungis með því að vera til?

Mér finnst umhverfi mitt og samferðarfólk oft skrýtið. Því finnst yfirleitt það sama um mig. Það virkar fínt. Góðar stundir.

and the wiener is...

2008-06-10T00:38:00.001Z

Hef komið mér upp þeim ósið síðustu árin að sofna alltaf út frá sjónvarpinu þegar ég sef einn. Gengur það allajafna hratt og örugglega að sofna yfir einhverjum leiðindunum á Skjáeinsömlum, stöð sem svo skemmtilega vill til að stefnir hraðbyri í að verða álíka mikill viðbjóður og Stöð tvö.

En hvað um það, í þetta skiptið setti ég fyrir einhverja rælni yfir á TottPíví sem heitir víst núna Skífan Té Vaff og nú er ég bara fastur yfir stöðinni enda virðast þeir hafa alveg magnað lag á að spila eingöngu horbjóð þarna. Tónlist sem er svo mikið ógeð að hún verður hreinlega heillandi í ógeðslegheitum sínum. Hallast ég helst að því að ég hafi dottið inn í einhvern raunveruleikaþátt sem gengur út á að finna versta tónlistarmann sögunnar. Og get ég þá sagt ykkur þau stórkostlegu tíðindi að maðurinn er líklega fundinn! Þrátt fyrir gríðarlega keppni frá ammmrískum poppgeldingum svo sem Bon Jovi, Nickelback, R. Kelly og hvað þetta allt heitir sem kallar sig ýmist rokkara ellegar errogbé-tónlistarmenn, þótt hvorugt séu, þá gladdi það mitt litla hjarta að finna allan vafa hverfa úr hjarta mínu er ég sá kauða er kallast Robin Thicke. Kann engin frekari deili á þessum yfirgeldingi en þetta mun vera án nokkurs efa sá alversti tónlistarmaður sem ég hef nokkurn tíma á ævi minni heyrt í! Mæli eindregið með því að fólk tékki á þessum gaur því jú það er mun auðveldara að læra að meta fegurð þegar þú hefur ljótleikann til viðmiðunar.

Góða nótt.

l'incroyable vérité

2008-05-22T21:23:00.005Z

Jújú, bloggið lifir enn góðu lífi sem og yðar undirritaður. Hef bara lítið haft að segja því ég hef verið ofsalega upptekinn við að gera ekki neitt, og vinna þess á milli... svona líkt og þið hin að því er virðist því langflest bloggin sem maður kíkir á virðast stone dead!

Naunaunau, Barbie-strákurinn og mamma hans komust áfram í Evróvísjón með hið ágæta popplag "Fullkomið líf". Eins gott að lagið sem ég held með, Divine með Sébastien Tellier frá Frans (orðið á götunni hermir að hann komi á stormskerið áður en langt um líður til að spila hljómlist sína), hafi verið öruggt í aðalkeppnina því lögin sem ég hélt með í forkeppnunum tveimur, Belgía og Búlgaría, komust ekki áfram. Minns bara orðinn Evróvísjón-nörri á gamals aldri en það þarf svo sem ekkert að koma á óvart, hef alltaf verið sérlegur áhugamaður um vonda popplist! En áhuginn þetta árið skýrist eins og áður sagði af þátttöku Tellier í keppninni sem og nauðsynlegri upphitun fyrir hið árlega og sérlega hressa Evróvísjón-teitis auk. Vive la France!

PjéEss: Nei, sparkbolti verður ekki ræddur á þessum bænum nema að umræðuefnið sé stórveldið Í.R.

nígeríu-svindl

2008-05-21T23:08:00.002Z

Langaði bara að deila með ykkur þessu prýðilega peningaplokksbréfi er ég fékk um daginn. Ég svaraði því og ætlaði að leika mér svolítið með þetta en nennti því svo ekki og eftirlæt ég því ykkur þetta... ef einhver hefur nennu og nægan frítíma þá má eflaust skemmta sér með þetta vikum ,ef ekki mánuðum saman! Gjörið svo vel...

----- Original Message -----

From: Martinez Morgan

To: David Hasselhoff jr.

Sent: Saturday, May 17, 2008 6:30 PM

Subject: thanks for your good intentions.

Dear David Hasselhoff jr,

Thank you very for giving my message a quick attention, it was very necessary for me to contact you because my health is failing as the days go by and I will not want all my struggle to go invain, I am going to be as direct as possible. I will need you to send me your full names, contact address, cell phone numbers so that I can forward these to the Bank where the funds his as the information of my Cousin, once this is done you will then be the one to continue direct contacts with them and further give them instructions on how the money should be sent to you.

I will want a kind of gauranty from you in the form of a writen commitment that you will carry out my instructions on how I want the money to be distributed when you have collected it, of course your efforts will not go unrewarded. You will be very well compensated for your efforts and handsomely reimbursed for whatever you incur , but if you fail to distribute the balance money according to my instructions and decide to keep all or most of it to yourself then you will automatically loose your status as my Cousin and have the whole money forefeitted i have will this funds to God almighty incase anybody have it in mind to con me due to my present state then the person might just be looking for the anger of God to visit him or her wherever he or she his.

This is the last of my treasures and I want whoever is going to be entrusted with it to be worthy thereof, and to also be in the position to be able to live up to his/her responsibilities.
Please bear with me if I am slow to responding to your messages as they come, I am not finding it easy even writing this message but I am very happy that I am in communication with someone like you. I hope that this relation will give me a ray of hope to look forward to the next day, please keep intouch with me as much as possible so that I will always have something to look forward to.

Please contact me on this new email address only from now on regarding this matter and I want you to keep all our dealings very confidential, I will appreciate a quick response from you and treat this whole issue with urgency.

Best wishes,
J. A Morgan

----- Original Message -----

From: "David Hasselhoff jr."

To: <mar.morgan54@gmail.com>

Sent: Friday, May 16, 2008 8:00 PM

Subject: Re: Help Please.

> Hello my friend!
>
> Of course I will help, whatever I can do for the orphans of the world! I
> love orphans! Especially orphan teenage girls that look like the great
> Jóhanna Sigurðardóttir! So what can I do for you, I myself suffer from the
> disease of brundfyllisgremja so I maybe this can help me too.
>
> Best regards,
> Reverend Hasselhoff jr.
>
> ----- Original Message -----
> From: "Grant, Cindy" <GrantC@neco.edu>
> Sent: Friday, May 16, 2008 6:57 PM
> Subject: Help Please.
>
>
>
> Dear Sir,
>
> My greetings to you and your lovely family! This mail might come to you as
> asurprise and the temptation to ignore it as unserious could come into your
> mind; but please consider it a divine wish and accept it with a deep sense
> of humility. My name is Jose A. Martinez. I am a 54 years old man, I am
> Cuban currently residing in VENIZUELA (VENIZUELA). I was formerly living in
> Cuba and served under Castro`s government but had to run into self exile
> after the ruling Government of Fidel Castro closed in on my family on
> accusations of anti-government statements, I was once married with two
> children but my family also my wife and children escape to america before
> they where one of those vitim in world trade centre. l did made a lot of
> money serving Castro and on getting to VENIZUELA,
>
> I have been a merchant here in VENIZUELA dealing in Ornamentals, Oriental
> Carpets and Artifacts and life was very smooth for me until about three(3)
> years ago when I was first diagnosed of Stone kidney.
>
> Before this happened my business and concern for making money was all I
> lived for, I never really cared about other values in life. But since the
> loss of my family and hometown, I have found a new desire to assist helpless
> families. I have been helping orphans in orphanage/motherless homes. I have
> once donated some money to orphans in war ravaged Eritrea, Somalia, Sudan
> and some East European Countries. Before I became ill,
>
> I kept $ 4.5 Million in a long-term deposit vault of a finance company and I
> now that i have lost my 2 kids and my lovely wife who was suppose to be next
> of kin when the money was deposited and if I died without putting some one
> incharge to use it for the help of those motherless and homeless as well as
> orphanege homes so that the money will not automatically go into the coffers
> of the finance company and I don`t want this to happen.
>
> I have left the hospital and presently receiving treatment in an acupuncture
> clinic, I have been undergoing treatment for Stone kidney at the hospital. I
> have since lost my ability to talk and my doctors have told me that I have
> only a few months to live. It is my last wish to see this money distributed
> to those who really needs it then allowing it to get lost in the bank or any
> organizations will not use it for the good work of GOD.
>
> Because relatives and friends have plundered so much of my wealth since my
> illness, I cannot live with the agony of entrusting this huge responsibility
> to any of them. Please, I beg you in the name of God to help me collect the
> deposit and distribute it amongst charity organizations. Use your judgement
> to distribute the money and feel free to reimburse yourself when you have
> the money for any cost you incur during the process of collecting and
> distributing the money to charity organizations. I am willing to offer you a
> reward If you are willing to help, please reply as soon as you can on my
> alternate email address:(mar.morgan54@gmail.com). Looking forward to hearing
> from you soonest.
>
> Best wishes,
> J. A Martinez

Good times!

hrezzleikinn í fyrirrúmi

2008-02-21T13:04:00.000Z

Vinsælasta spurningin þessa dagana er "Ertu byrjaður að vinna einhvers staðar?". Gleður mitt litla hjarta í hvert skipti sem ég heyri hana þar sem ég hef ekki einu sinni fengið svo mikið sem atvinnuviðtal á þessum eina eða eina og hálfa mánuði sem ég hef verið að sækja um störf. Fyrir utan það að vera orðinn nett pirr og velta fyrir sér nojuðum spurningum eins og "Ætli síminn minn sé eitthvað bilaður?!" eða "Sendist umsóknin ekki örugglega?!" þá langar mann hreinlega á stundum bara að gefast upp og fara aftur eitthvað út. Er meira að segja farinn að athuga með nám annað hvort erlendis eða hér heima. Ýmislegt sem vekur áhuga svo sem heimspeki, stjórnmálafræði, trúabragðafræði, félagsfræði og fleira í þeim dúr... eeeeeeen ég er ekki alveg til í að gefast upp strax. Hef aðallega verið að sækja um skrifstofu- og sölustörf ýmis konar auk nokkurra útúrdúra hjá atvinnumiðlunum á netinu en eina sem ég hef fengið er svona stöðluð umsókn-þín-hefur-verið-móttekin-meil svo líklega er kominn tími til að breyta um nálgun. Gamlehh þarf bara að fara fyrr út á daginn og koma við í eins og einu eða tveimur fyrirtækjum áður en í ræktina er haldið en hana hef ég stundað af miklu kappi núna upp á síðkastið. Helvíti fínt að vera kominn aftur af stað eftir sex mánaða hlé á meðan maður var á danska kúrnum, þ.e. ruslfæði og öl! Svo hjálpar þetta manni auðvitað bara við að halda sér gangandi og fara ekki að sóa deginum í eitthvað volæði yfir því að lítið sem ekkert hafi gengið hjá manni hér á stormskerinu síðan heim var komið frá Danaveldi. Hojhojhoj! Meðleigjanda mínum, henni Elvu Rut, hefur ekki gengið par vel í atvinnuleitinni heldur en skemmtilegt nokk þá er hún skoppandi um af spenningi yfir tilboði um verkefni í kvikmyndabransanum í þeirri ágætu borg Los Angeles þar sem ég dvaldist um skamman tíma á síðustu öld sælla minninga.

Svo er árshátíð gamla vinnustaðarins, Póstsins/TNT, á laugardag og mun ég kíkja þangað að skála með pakkinu, alltaf gaman að hitta gömlu vinnufélagana. Sem nota bene minnir mig á næstvinsælustu spurninguna þessa dagana, "Ertu byrjaður aftur uppi í Pósti?!". Onei, ekki byrjaður þar og það stendur ekki til þar sem ég veit ekki betur en að allar álitlegar stöður þar séu mannaðar. Eðalvinnustaður og ekkert slæmt um hann að segja en mig langar hreint út sagt bara ekkert að taka skrefið til baka og fara að vinna t.d. sem bílstjóri eða annað slíkt. Been there, done that eins og maðurinn sagði og mig klæjar í puttana að fá að takast á við eitthvað starf sem er einhver áskorun þar sem metnaður minn og keppnisskap fær að njóta sín. Ef það þá býðst einhvern tíma...

hristist fyrir notkun

2008-02-06T19:41:00.000Z

Jú góðan dag. Það fer prýðilega um okkur skötuhjúin hérna röngu megin Hringbrautar í 107. Hef ekkert að segja en vildi samt segja ykkur það. Andlaus. Tómur. Latur. Grænmeti. Seinna.

áfram ísland

2008-01-23T19:42:00.000Z

Nóg hefur verið að gerast í íslensku þjóðfélagi síðustu daga. Fyrir utan að yndið ykkar hann Dabbipabbi flutti á Fálkagötuna þá hefur það verið helst í fréttum að nýr meirihluti hefur enn og aftur verið myndaður hér í borg óttans, borg hvers miðbær er í útrýmingarhættu og að íslenska landsliðið í handbolta hefur verið í eldlínunni á Evrópumeistaramótinu í Noregi.

Þykir mér sem stjórnmál á Íslandi hafi beðið mikla hnekki í öllu þessum klækjum og prettum sem hafa verið viðhöfð síðustu misserin í Reykjavíkinni og sér í lagi þykir mér Sjálfstæðisflokkurinn hafa farið illa út úr þessu valdabrölti. Líkurnar á að Vilhjálmur verði borgarstjóri á ný tel ég litlar sem engar því fyrir það fyrsta þá er meirihlutinn afar veikur eins og alltaf er bent á en hitt tel ég þó líklegra að Sjálfstæðismenn sjálfir uni manninum ekki forystu mikið lengur ætli þeir ekki að bíða skipbrot í næstu borgarstjórnarkosningum. Kosningum sem ég tel fullvíst að bæði Framsókn og Frjálslyndir/Óháðir muni bíða afhroð í enda munu gjörðir þeirra dæma sig sjálfar.

Þó þeim sem fara með völd í borginni verði seint bjargað þá er hefur hópur góðs fólks tekið sig til og reynt að sporna við þeirri þróun að vor yndislegu auðmenn ryðjist með offorsi yfir miðbæinn okkar og planti risavöxnum kössum um allt. Miðbær sem vissulega hefur oft mátt muna fífil sinn fegurri en það er þó enginn ástæða til að eyða honum. En rétt eins og í pólitíkinni þá hafa auðmennirnir oft á tíðum beitt klækjum og prettum til að ná sínu fram og hafa einungis peningasöfnun að leiðarljósi. Ekki skilja það sem svo að ég sé á móti framþróun eða breytingum en hví ekki að staldra við og mynda einhverja heildræna stefnu í miðborgarmálum áður en hús sem hafa söguleg og jafnvel tilfinningaleg gildi fyrir fjölmarga eru horfin... hugsum okkur tvisvar um áður en hörmungar sem gamla Morgunblaðshúsið, kassinn á milli Hótel Borgar og Apóteksins eða háhýsin í Skuggahverfinu verða það eina sem eftir eru í miðborginni, nóg er nú landsvæðið til að byggja nýtt án þess að fórna hinu gamla. Hlutir geta virkað alveg prýðilega þó þeir séu gamlir og líti ekki út eins og steingeldur steypuhnullungur í Innlit/útlit.

Og skemmst er frá handboltanum að segja að Ísland hefur hreint út sagt bara skitið langt upp á bak sér! Sóknin sem var sú besta á síðasta HM hefur verið í molum allt mótið og virðist sem að leikmenn hafi bara verið yfirspenntir er mótið hófst og brotnað svo niður þegar á móti blés án þess að þeir hafi náð að rífa sig upp á ný. Erfitt er að benda á einhvern einn sökudólg og væri það frekar ósanngjarnt þegar allt liðið bregst svona en hallast ég þó helst að því að þjálfaranum hafi hreinlega ekki gefist tími til að undirbúa liðið sem skyldi og spilar þá máski eitthvað þar inn í að hann, upptekinn þjálfari félagsliðs í heimsklassa, er án aðstoðarþjálfara þetta mótið.

Þótt vissulega hafi maður sterkar skoðanir á öllum þessum málum þá hefur mér þótt umfjöllunin og umræðan í þjóðfélaginu mun skemmtilegri. Fólk missir sig alveg í móðursýkinni og múgæsingnum og það skemmtir mér alveg gríðarlega. Nokkuð sem maður saknaði frá Danmerkur-dvölinni, að vera í hringiðunni á Íslandi og jafnvel taka þátt í látunum. Svo eru auðvitað hinir sem kæra sig kollótta og telja jafnvel andlát sykurpúða í Hollywood merkasta atburðinn það sem af er ári. Já við erum jafn skemmtileg og við erum mörg... eða var það jafn leiðinleg og við erum fá?!

fazmo hver?

2008-01-07T19:08:00.000Z

Maður er nú að bera í bakkafullan lækinn að fara að fjalla um þessa eymingja sem ganga um berjandi mann og annan og fjölmiðlar og æstur netmúgurinn vill kenna við félagsskapinn Fazmo. Félagsskapur sem vann sér það helst til frægðar fyrir allnokkru að innihalda sveitta überhnakka sem stunduðu það sér til gamans að beita ofbeldi sem mest þeir máttu á milli þess sem þeir bónuðu bílana og hverja aðra.

Nema hvað að það er eitt sem kætir mig nokkuð við alla umfjöllunina við þessi síðustu ofbeldismál mannanna sem áður voru kenndir við Fazmo. Eitthvað grey sem kallast því fallega nafni Davíð og er kenndur við Grensás er aðalstjarnan í umfjöllun allra fjölmiðla en hins eru einhverjir tveir herramenn, Hallgrímur og Ingvar að nafni ef ég man rétt, að ota sér fram um allt til að tjá alþjóð hvað þeir hafa ekki gert eða eru ekki lengur að gera og þeir séu bara að reyna að vera góðar fyrirmyndir. Fyrirmyndir hverra geri ég mér enga grein fyrir því ég verð bara að viðurkenna að ég hef aldrei séð þessa menn áður né heldur heyrt þá nokkurn tíma nafngreinda í mín eyru og tel ég mig þó þokkalega vel upplýstan einstakling... og það þó ég sé með heiftarlegt ofnæmi fyrir Mogga-blogginu og Barnalandinu. Skil ég því ekki með nokkru móti að blessaðir piltarnir fái allan þennan fjölmiðlatíma til að telja upp hvað þeir hafi ekki gert og var mér því lítið annað en hlátur í huga að sjá ítarlega ekki-frétt með tvíeykinu á Stöð tvö rétt í þessu.

Vil ég því einnig nota tækifærið til að tjá ykkur, kæru vinir og vandamenn, að ég hef ekki gert neitt sem ég hef ekki gert en gengst fúslega við öllu sem ég hef gert og sé eftir öllu því slæma en reyni eftir fremsta megni að bæta ráð mitt og vera góð fyrirmynd fyrir ykkur. Að eilífu, amen.

glelettnýttárr

2008-01-05T13:55:00.000Z

Þar sem ég nenni hvorki að sinna tilkynningaskyldunni né gerast óþarflega væminn yfir hátíðirnar þá hef ég ákveðið að segja ykkur frá nýjustu ástinni í lífi mínu. Ég kynntist henni eftir að ég kom heim á stormskerið og ég tók upp á því að fara að reyna að vakna á skynsamlegum tíma til að búa mig undir níutilfimmlífernið á ný. Var þá alveg tilvalið að fylgjast með alvitra kyntröllinu honum doktor Phil með öðru auganu, meirihlutanum af eyrunum og vinstri höndinni yfir morgunblöðunum. En þar sem ég er annað hvort torlæs ellegar les bara einfaldlega um of af misspennandi efni blaðanna þá var yfirleitt komið töluvert inn í næsta dagskrárlið er ég leit upp frá blöðunum. Og kem ég þá að ástinni í lífi mínu...

Ég elssjjjkaaahhh Vörutorgið á Skjáeinsömlum!

...þetta er eitthvað það skemmtilegasta sjónvarpsefni sem völ er á, Næturvaktin hvað segi ég nú bara! Stórkostlega slísí sölumennirnir, nýútskrifaðir frá Dale Carnegie að nýta Verzlunarskólaprófið sitt til hins ítrasta eftir að bílasalan fór á hausinn, eru svo æðislega slæmir að þeir slá út þreytta frasa Péturs Jóhanns með einari án þess að svo mikið sem svitna á efri vörinni! Þetta eru menn að mínu skapi enda ég þekktur fyrir að alhæfa um allan andskotann án þess að hafa neitt sérstakt fyrir mér í málunum. Og það er greinilegt að ef maður er bara nógu svæsinn í alhæfingum sínum og endurtekur þær í sífellu eins fígúra úr Gaukshreiðrinu þá trúir fólk þeim á endanum... sjáið bara Framsóknarflokkinn og hæstvirtan forseta vor til dæmis sem básúna bara þær skoðanir sem eru móðins í vindátt daxins og fólk oftar en ekki kokgleypir án teljandi gagnrýni, en það er allt önnur og minna spennandi saga.

En semsagt frasarnir svínvirka, ég meina hver vill ekki vera í inniskóm sem "muna" eftir manni (það vill jú öngvinn deyja gleymdur maður) á meðan maður etur svokallað "candy floss" með megrunarpillusáldri úr kandífloss-vélinni sem manni dreymdi alltaf um á sama tíma og maður kemst í stórkostlegt form í þessum undratækjum sem æfa ALLA vöðva líkamans í einu?! Í einu nota bene! Svo á meðan maður notar æfingakerfið magnaða sem inniheldur tvo hólka með sandi, vatnsbrúsa og dévaffdé-disk og kostar ekki nema 17.990 æslandik króns (ekki fara að væla yfir verðinu, þetta er eflaust bara úrvalsvísitölunni eða fasteignamarkaðnum í Bandaríkjum norður-Ameríku að kenna) þá getur maður skellt hinum tækjunum inn í skáp eða undir rúm við hlið búslóðarinnar sem kemst svo gott sem öll fyrir í geimpokunum byltingarkenndu og lofttæmdu... eða var það loftkenndu og byltingartæmdu? Man ekki og skiptir ekki, stórkostlegt á hvorn veginn sem er.

Ég elska þig Vörutorg, eða VT eins og við sem þekkjum þig köllum þig.

*Öppdeit* Hef fengið ófáar meldingar varðandi að fólk nenni ekki að lesa svona langan texta. Til að koma til móts við þá með athyglisbrestinn sem og hina torlæsu þá má nálgast færslu þessa lesna upp á afar kynæsandi hátt á hljóðskrá hér.

heima er hresst

2007-12-20T01:19:00.000Z

Gamlehh nú búinn að vera á klakanum í viku og ekkert sérstakt að frétta sem er svo sem ágætt þar sem ég hef eigi greiðan aðgang að Netinu. Veðrið annars búið að vera æðislegt síðan ég kom, ekki laust við að ég hafi saknað ofsaveðurs. Allir að missa sig í jólastressi nema ég, ekki laust við að manni finnist bara krúttlegt hvað landinn er geðsjúkur. Ekki kominn með húsnæði enda markaðurinn alveg hnetur. Ekki kominn með vinnu enda svo innilega ligeglad að mér liggur ekkert á. Byrjaður að hreyfa mig eftir fimm mánaða pásu, bjórbelgurinn fékk að kenna á því í um tveggja klukkustunda boltatíma á mánudag. Og komst að því að silfurskórnir mínir jafngilda VIP-aðgangi á suma skemmtistaði í borg óttans.

Framundan: Frekara ónæmi fyrir hátíðum og stressi. Teiti á fös. í tilefni af því að pakkið er allt samankomið heima á klakanum, ef þið viljið slást í hópinn þá hóið þið bara í íslenska númerið mitt. Átakið góða þar sem kallinn verður kominn í sitt besta form á næsta afmælisdegi. Og að finna sér nýja vinnu á nýju ári.

Að eilífu, amen.

P.S. Er það bara ég eða eru allir íslenskir rithöfundar farnir að skrifa reyfara sem allir, skv. ófáum auglýsingunum, eru stórkostlegir og á heimsmælikvarða?! Fusssss... má ég þá frekar biðja um Paulo minn Coelho eða eitt stykki hrezzan Hugleik.

ich bin ein kügelschreiber

2007-12-09T14:06:00.000Z

Mikið gaman og mikið stuð í København. Ég og Árni komum heim á skerið næsta þriðjudag en við iðjuleysingjarnir höfum nýtt þessa síðustu daga til synda af ýmsu tagi. Fyrir utan afar kvenlegar verslunarrassíur þá erum við að "kveðja" alla pöbbana, klúbbana og veitingastaðina sem maður hefur stundað (og ekki stundað) síðustu 4-5 mánuði og hefur það gengið alveg prýðilega.

En auk þess þá tókum við "road trip" til Þýskalands í gær ásamt Andra og sérlegum bílstjóra, honum Mumma. Lagt var af stað á þessum ágæta VW Touraeg-bílaleigubíl frá Hillerødgade rétt rúmlega 7 um morguninn yfir á Egilsgade til að pikka upp krumpaðan Árna og þaðan upp á Kastrup-svæðið að ná í Andra. Þar komumst við að því að GPSið virkaði ekki svo Mummi fékk það hlutverk að finna Hamborg án þess á meðan við hinir sungum dátt og drukkum... að sjálfsögðu eftir staðgóðan bensínstöðvarmorgunverð!

Fórst sérlegum bílstjóra keyrslan vel úr hendi þar sem þetta gekk allt hratt og vel fyrir utan sig og merkilegt nokk þá tókst honum ekki að drepa okkur... fyrir utan þegar við hinir þrír vorum allir að deyja í ølhlandspreng á meðan Mummi rúntaði um leitandi að grænu svæði sem honum fannst alveg nauðsyn að finna fyrir okkur. Endaði það með því að við stukkum allir þrír út á fjölfarinni umferðargötu og migum utan í grænan sendiferðarbíl sem lagt var þar bara svona til að sætta kallinn við "græna svæðið" sitt!

Eftir að hafa svolgrað í okkur einn bjórkassa frá 9 um morguninn og jóðlað með þýskri schlägermusik í útvarpinu þá var fyrsta áfangastað náð, heimavöllur fótboltaliðsins Hamburger Sport Verein. Eftir mikla leit af hraðbanka og misskilning á misskilning ofan þá enduðum við í sætum okkar á leik HSV og Energie Cottbus... 90 mínútum fyrir leik í skítakulda án nokkurra peninga og ekki með neina leið til að borða eða drekka nokkuð! Var því brugðið á það ráð að senda tvo piltanna af örkinni með leigara að finna hraðbanka, sem þýddi þó að þeir þurftu að borga sig inn á leikinn aftur. En til að gera langa sögu stutta þá fór þetta allt prýðilega og tilþrifalítill leikur reyndist hin prýðilegasta skemmtan þökk sé 56.132 áhorfendum... nei 56.130 þar sem við keyptum auðvitað tvo aukamiða!

Heimferðin var svo enn fjörugri en útferðin (!) en þar var ferðinni heitið í landamærabúð í Flensburg. Þar var bíllinn fylltur af 36 kössum af bjór auk nokkurra áfengisflaskna á sama verði og 2-3 bjórkassar kosta á Íslandi! Össs! Svo þurftum við reyndar að koma við á bensínstöð þar sem við Árni áttum legendary hrekk sem þýðist líklega ekki vel á prent, þetta er eiginlega svona you-had-to-be-there... en skemmst er frá því að segja að það var grenjað úr hlátri leeeeeeeeeengi eftir hann.

Frá Flensburg var ferðinni svo heitið í ammlisteiti ÁsaVilborgFinnurKarl í Kolding. Reyndist það kærkomið stopp og mikið gaman að sjá Kolding-fjölskylduna enda langt um liðið. Var troðið vel í sig af kökum og smáréttum og aðeins tekið í Buzz áður en förinni átti að vera heitið í partý hjá Þórdísi í Århus. Þangað nenntu hinir piltarnir svo því miður ekki enda búinn að vera laaaaangur dagur og mikið drukkið. Var því haldið beinustu leið heim til Køben (sumir drápust á leiðinni af gömlum vana) til að dreifa jólabjórnum til fólks og halda heim að lúlla sér í hausið.

Eðalgaman, takk fyrir mig piltar... piss like the wind! Myndbandið úr ferðinni er hér.

lokað vegna breytinga

2007-11-29T17:12:00.000Z

Ég er enn á mínum stað. Var að reyna að færa bloggið yfir á Wordpress en vegna tæknilegra örðuleika hjá þeim og tímaskorts hjá mér þá hefur það ekki tekist enn. Blaðrið verður því hér áfram enn um sinn.

Það er farið að styttast í annan endann á nokkurra mánaða dvöl minni hér í kóngsins København. Kem líklega heim á stormskerið eftir viku eða svo og tekur þá bara við atvinnu- og húsnæðisleit. Ef þið, mínir ágætu vinir, vitið um eitthvað sneddí þá endilega gauka því að mér. En annars þá fara síðustu dagarnir hér bara í það að hnýta lausa enda og kveðja fólk... svo eru nokkrir viðburðir sem maður á eftir, eins og t.d. að kíkja á lokakveld Jolene á Sorgenfrigade, fara á útgáfutónleika hjá hinum hljómfagra prýðispilti Ben, fara á leik erkifjendanna FCK og Brøndby á Parken og svo lox tónleika Raveonettes á Vega.

Skrítið hvað það er alltaf erfitt að fara frá einhverjum stað. Skiptir þá engu hvert maður er að fara, það er bara einhvern veginn alltaf leiðinlegt að yfirgefa einhvurn stað... það liggur við að maður beili bara á því að fara. ;)

ísland er land þitt

2007-11-13T16:58:00.000Z

Það er þá lox komið á hreint að Dabbipabbi kemur heim á stormskerið um jól og áramót. Og að öllum líkindum er það stoppistöð næstu mánuðina. Eftir að félagi minn beilaði á Tælandi og ég gat ekki látið Ástralíu og veskinu mínu lynda saman þá komu upp hugmyndir að heiman um að taka Asíu og Eyjaálfu á næsta ári svo minns ætlar að kíkja á störf heima í borg óttans er komið verður heim. En fyrst er það að klára fjörið hér í kóngsins og kíkja svo á Ísjakann í London áður en íslenskt hátíðarhald og atvinnuleit tekur við. Hef reyndar séð fína díla til Kúbu og Tælands í des. ef einhvurn langar að kíkja í 2-3 vikur! ;)

feisaðu það

2007-11-12T02:27:00.000Z

Það er skemmtileg lítil græja á fokking Feisbúk þar sem maður á að bera saman vini sína og þeir sömuleiðis þig við aðra vini sína. Á meðal vina minna þar telst ég "Most outgoing, Most confident, Most famous & Person with the best sense of humor". Mér þykja þetta reyndar nokkuð skondnar niðurstöður en auk þeirra þá kemur fram þegar maður rýnir nánar í þær að fólki finnst ég einnig gáfaður, kraftmikill, kyssilegur, stundvís og ævintýragjarn en að sama skapi óáreiðanlegur, slæmt eiginmannsefni, latur, ljótur, dónalegur, tækni- og tískuhamlaður og lox lélegur söngvari og dansari... og ég sem hélt að ég hefði allan pakkann! :D

i'll never ever let you go!

2007-11-11T18:21:00.000Z

Mögnuð djamm"helgi" að baki með tilheyrandi sukki, fjöri, dansi, söng, drama, þynnku og alles. Þetta byrjaði allt á miðvikudag með óvart djammi og lýkur væntanlega í kveld á tónleikum Jakobínarínu á Jazz House. Ásta og Sigga hafa verið hér í Køben síðustu daga en auk þeirra er maður búinn að hitta gríðarlega mikið af nýju fólki hér, auðvitað allt Íslendinga! Gaman já! Það er stuð að vera róni í Danaveldi!

Næst á daxgrá: Cocorosie, The Fiery Furnaces, Mugison, Budam, Efterklang, landsleikurinn, gestir og meiri ferðalög. Svo má til gamans geta að stórsveitin Ace of Base er með tónleika hér þann 23. en Meat Loaf hefur aflýst sínum sökum þess að hann klikkaðist, kemur fyrir bestu menn.

Og já Áddni minn, þú getur hætt að halda teiti eftir þetta síðasta. Þetta verður aldrei toppað!

PS. Kung Fu-klám er inn.

bubbi leigir í langagerði

2007-11-10T13:42:00.000Z

Af hverju er þetta frétt?! Er Búbbí að verða einhvers konar Britney Íslands og munum við þar með eiga von á svona fréttum reglulega um framgang lífs hans?

þessi dráttur er í boði dansk metal

2007-11-09T18:30:00.000Z

Rak augun í apparat nokkurt á skemmtistað hér í bæ þar sem maður gat fengið fría smokka. Ekki bara er það bráðsniðugt að auka aðgengi fólks að smokkum heldur er þetta gert á þann máta að smokkarnir eru sponsoraðir af fyrirtækjum. Þ.e. þetta er gert kleyft með auglýsingum á umbúðum smokkanna. Lengi hefur verið í umræðunni heima við að auka aðgengi fólks að smokkum án þess að nokkuð hafi verið gert í málunum, væri ekki alveg bráðsniðugt ef einhver tæki sig til og græjaði þetta á klakanum?!

í fréttum er þetta helst

2007-11-07T15:14:00.000Z

Nú er ég pirrrr. Og nei, ég ætla ekki að pirrast á veikum greyjum sem halda úti netsíðu með rasistaáróðri og heimsku sem dæmir sig sjálf. Ég er yfir mig pirraður á greyjunum sem stjórna stormskerinu í okkar umboði. Skv. frétt Morgunblaðsins þá hyggst hæstvirtur forsætisráðherra reyna að fá rýmri heimildir til að menga en tíðkast allajafna. Burtséð frá því að það er komið miklu meira en nóg af því að gefa raforku og slátra landinu (sem sömu slátrarar keppast svo við að mæra fyrir fegurð) þá tel ég algjöra fásinnu að ætla að fría litla Ísland frá því að taka þátt í því að búa öllum betri jörð. Nei höldum frekar áfram að eltast við skammtímahagsmuni og peningana... hitt ræðst bara seinna!

Fussumsvei, og þetta kýs fólk yfir sig aftur og aftur og aftur... það er þó vonandi að Samfylkingarmenn sjái sóma sinn í að standa fastir fyrir og láta ekki samstarfsflokk sinn vaða yfir sig í krafti kapítalismans eins og eymingjarnir í Framsóknarflokknum sem endurvinna bara kosningaloforðin á fjögurra ára fresti en eru svo álíka staðfastir og sápukúla í fárviðri!

fróðleiksmoli daxins

2007-11-06T17:36:00.000Z

Forsetinn í Gabon í Afríku heitir Omar Bongo, oftast kallaður President Bongo. Þessi fróðleiksmoli var í boði Ómega.

speeeeeecial

2007-11-01T13:47:00.000Z

Er á leið í dirty weekend (eins og Icelandair auglýsti svo skemmtilega um árið) í borg óttans! Ölsamsæti hjá hæstvirtum Konráði á Graðastræti annað kveld svo bændur skulu bregða sér af bæ og koma að kveðast á. Þeir fyrstu fá að bragða á djöfladjúsnum er kenndur er við Special.

Vek ek athygli á að íslenska númerið hér til vinstri verður í fullu fjöri þessa helgina. Góðar stundir.

sjúkra þýðir sko takk

2007-10-27T15:53:00.000Z

Gamlehh var að koma heim frá Spáni og Marokkó, nýgrillaður og maríneraður! Og auðvitað var rokið beinustu leið í tölvuna og símann enda skjálfti og fráhvarfseinkenni farin að gera vart við sig. Þessi vika á ströndinni, veitingahúsunum og pöbbunum á Málaga var annars hin prýðilegasta hjá piltunum en einnig var skotist yfir til Afríku, nánar tiltekið til Marokkó eins og áður sagði. Fór alveg überléttklæddur enda Afríka þekkt fyrir flest annað en kulda og vosbúð. Nema hvað að það hellirigndi og var skítkalt, ekki nema um 20°, svo minns náði sér bara í þetta líka fína afríska kvef!

En er annars ekki að nenna helvítis ferðasögu enda þykja mér þær yfirleitt hundleiðinlegar sjálfum... í hnotskurn þá var Spánn eðalafslöppun og Marokkó ömurleg ferð í alla staði en þó athyglisverð reynsla.

Salut!

skrapp á pöbbinn

2007-10-20T00:54:00.000Z

Pöbbinn er á Spáni, sjáumst eftir viku!

fréttatilkynningin

2007-10-14T15:58:00.000Z

Þá er það opinbert, ég er hættur í skólanum. Eftir að nýjabrumið var farið af náminu og skólanum þá varð ég að horfast í augu við það að mér líkaði námið bara ekki. Námsefnið hélt ekki athygli minni, skólinn þótti mér óspennandi sem og þessi annars ágæti hópur námsmanna sem ég var með í bekk. Það var því um tvennt að ræða; að klára önnina og huxa sér svo til hreyfings eða taka á málunum strax. Ég er nú ekki sérlega þekktur fyrir hálfkák eða miklar málamiðlanir svo ég slúttaði þessu bara. Hvað ég tek mér fyrir hendur næst er óráðið en það verður a.m.k. eitthvað ferðast um þennan ágæta heim vor út árið.

Vissulega eru það ákveðin vonbrigði að hætta, en ákvörðunin er ekki tekin í neinum fljótheitum svo ég er nú nokkuð viss um að ég sé ekkert í slæmum málum þó svo orð eins og eymingjaskapur og "quitter" hafi komið nokkrum sinnum upp í hugann við ákvörðunartökuna. ;) En hvað um það, ég stend og fell með mínum ákvörðunum og nú þarf maður bara að spá í næstu skref. Og nei ég er ekki á leiðinni heim... a.m.k. ekki alveg strax. Er með nokkrar pælingar í hausið en ætli það verði nokkuð ljóst hvað maður gjörir fyrr en á nýju ári. Þangað til ætla ég bara að njóta þess að vera heimsborgari og bóhem. :)

Annars búið að vera nóg að gera hér þrátt fyrir að vera ekki í skólanum. Fórum nokkur á alveg hreint stórkostlega tónleika Péturs Ben. um daginn, kvöld sem verður þó frekar minnst fyrir athyglisverða leið Hrefnu til að stíga af hjóli sínu. Það er ekki laust við að maður sé duglegri við að sækja íslenska menningarviðburði hér í erlöndum en maður var heima fyrir því ekki er langt síðan kíkt var á Mýrina í kvikmyndahúsi nokkru hér og framundan eru tónleikar Amiinu á miðvikudag og frumsýning og tónleikar Sigur Rósar á föstudag. Auk þess eru tónleikar með Mugison og múm framundan auk þess sem við förum 17 manna hópur á landsleik Danmerkur og Íslands 21. nóvember.

Því fer þó reyndar fjarri að maður eltist eingöngu við íslenska viðburði en þeir eru virkilega skemmtilegt krydd í tilveruna svo máski að maður hafi loxins fundið Íslendinginn í sér! Síðustu dagar hafa þó síður en svo verið menningarlegir því það hefur verið tekið vel á því á djamminu hér. Þórdís skrapp í heimsókn frá Århus og kíkti því þríeykið dabbih, Ravena og Evafró með henni á röltið ("I like songs!") en auk þess hafa flestir helstu pöbbar, klúbbar og skúmaskot Køben verið sótt heim síðustu daga. M.a. reddaði Eva oss inn á Vega þar sem franskur snúður vinur hennar lék fyrir dansi en eins og stundum áður þá átti Hrefna tilþrif kveldsins þar sem hún gerði heiðarlega tilraun til að drepa hjólreiðamann. Good times!

jákvæði davíð

2007-10-10T23:15:00.000Z

Fólk er fífl. C'est la vie mon ami.

g13

2007-10-06T15:05:00.000Z

Það verður ekki sagt að lætin hjer á Nørrebro hafi valdið vonbrigðum. Þetta byrjaði sem mótmæli fyrir rúmum fjórum klukkustundum síðan sem síðan urðu að umsátursástandi og óeirðum hinum megin við götuna, við Fuglebakken-lestarstöðina. Íslensku fíbblin stukku auðvitað út og tóku sér stöðu á meðal helstu fjölmiðla Danaveldis til að ná myndum (sem sjá má hjer á síðunni hans Mömmí). Til skamms tíma náðu mótmælendur lestarstöðinni á sitt vald en lögreglan er alveg ótrúlega fljót að ná stjórn á málunum, það er bara vaðið í menn með táragasi og látum.

Nema hvað að fljótlega lentum við í hringiðunni og látunum, vorum gasaðir og alles og rétt sluppum á hlaupum framhjá lögreglunni inn til okkar. Og ég get sagt ykkur það að það ekkert spes að lenda í táragasi! En skömmu síðar var götunni lokað og við þar með lokaðir inni... nema hvað að akkúrat nú í þessum töluðum orðum hafa mótmælendurnir með klókindum náð götunni á sitt vald svo það stefnir í enn meiri læti hjer fyrir utan. (Skemmtilegt myndband af því er lögreglan kom síðustu mótmælendunum af Hillerødgade má sjá hjer.)

Öppdeit: Núna hefur ástandið róast nokkuð og nýta því fjölmiðlarnir rólegheitin og fallegt sólarsetrið til að flytja fréttir í beinni hjer fyrir utan, eins og t.d. þær að af yfir 3000 mótmælendum hafi 436 verið handteknir sem er nýtt met í Danmörku. En líklega er þetta þó aðeins lognið á undan storminum því að sögn forsprakka mótmælendanna, sem nú hafa komið saman á ný við upphafsreitinn (fyrir utan hjá Hrefnu og stelpunum) uppi á Nørrebrogade, er "plan b" næst á dagskrá svo það er nokkuð ljóst að piltarnir eru á leið út á ný!

Nýjustu fregnir herma að þessir 500 mótmælendur sem voru eftir við Nørrebrohallen hafi sagt aðgerðum daxins lokið. Lögreglan er þó í viðbragðsstöðu sem og piltarnir að Hillerødgade 87!

69

2007-10-05T16:53:00.000Z

Það stefnir í magnaða helgi hjer á Nørrebro. Eins og velflestir vita þá hafa síðustu sex mánuðir eða svo verið nokkuð skrautlegir hjer eftir að Ungdómshúsið að Jagtvej 69 við Nørrebro Rundelen var rýmt og rifið með tilheyrandi mótmælum og óeirðum. Nú hefur ungdómurinn fundið sér gamla vatnsveitu sem kommúnan á sem þeir ætla sér að taka á morgun en það vill svo skemmtilega til að hús þetta er rétt hjá oss hjer á Hillerødgade. Fréttaritarinn verður því á vaktinni úti í glugga með myndavélar og øl, og jafnvel ekki loku fyrir það skotið að slegist verði í lið með einhverri fylkingunni en það stefnir í að fyrir utan ungdóminn verði þarna mótmælandi nágrannar auk óeirðalögreglunnar. Fyrir áhugasama má finna frekari upplýsingar hjer.

Gestir og gangandi velkomnir í fjörið. More good times!

heimsyfirráð eða dauði!

2007-10-05T16:49:00.000Z

Það er greinilegt að valdamenn á Íslandi voru farnir að hræðast uppgang Davíðs-manna því eftir að hafa skotist upp listann áðurnefnda undir styrkri stjórn kosningastjórans, upp í fjórtánda sæti skilst mér, þá var mér snarlega kippt út af listanum. Good times!

forsetaframboð

2007-10-01T15:05:00.000Z

Það tilkynnist hjer með að undirritaður hefur hafið undirbúning að framboði sínu til embættis forseta Íslands. Fyrsti liður í verkefni þessu er að athuga undirtektir þjóðarinnar á vefsíðunni www.frambjóðandi.is en þar er nú mögulegt að gefa framboði mínu byr undir báða vængi.

Það eina sem þarf að gera er að fara á vefsíðuna og setja inn "B Davíð Husby, fjöllistamaður og fyrrverandi verðandi útvarpstjóri." (án gæsalappanna).

Með vinsemd og virðingu,
B. Davíð Husby,
fjöllistamaður og fyrrverandi verðandi útvarpsstjóri.

lög heldra fólksins, part deux

2007-09-29T19:01:00.000Z

Þátturinn býður ykkur velkomin að viðtækjunum í annan skammtinn af endurunnum poppkornum. Síðast tók ég fyrir eðalinn "Word Up!" sælla minninga en nú er komið að sænska hittaranum "Voulez-Vous" sem Evróvísjón-poppararnir í ABBA gerðu fyrst vinsælt og kemst langleiðina að því að kallast klassísk popptónlist. Næstir voru hinir óforskömmuðu rokkarar í íslensku hljómsveitinni HAM sem létu svenska nýklassík ekkert hræða sig og rokkuðu rassgatið úr helvítinu áður en bresku elektró-poppararnir í Erasure hommuðu svo lagið upp aftur. Svo hefur lagið skotið upp kollinum með ófáum ábreiðuböndum og söngleikjum en það tekur vart að minnast á slíkan skít.

Erfiðara reynist fyrir mig að dæma lagið að þessu sinni þó ég hallist nú helst að útgáfu HAM. Þó er ABBA ávallt nett hallærisklassík auk þess sem tölvupoppsenan með Depeche Mode (en annar meðlimur Erasure er einmitt stofnmeðlimur í þeirri merku sveit) í fararbroddi átti nú alltaf greiða leið á grammófónnin i den! Minna mál reynist aftur á móti að gefa skít í sænska barnabandið ABBA Teens sem naut talsverðra gelgjuhylli fyrir nokkrum árum.

En hvað um það, læt dóminn í ykkar lúkur en auk þess væri nú gaman að fá uppástungur að fleiri endurunnum lögum frá ykkur:

1979: ABBA
1990: HAM
1992: Erasure
1999: A*Teens

á nørrebro er þetta helst

2007-09-27T17:43:00.000Z

Rétt í þessu voru þessi ágætu Ungdómshússmótmæli hér á Hillerødgade en myndband okkar sambýlinganna af þeim má sjá hjer.

Svo vorum við í skólanum að brillera í öðru verkefni okkar sem við kynntum í morgun, en það var að greina og endurhanna vefsíðu fyrirtækis nokkurs. Af því tilefni er kynningarverkefni okkar frá fyrstu viku, sem auðvitað hlaut einróma lof líka, komið á netið hjer.

Megið þið skemmta ykkur jafn mikið og vér nýbúarnir.

rop!

2007-09-27T12:27:00.000Z

Mmmm... kylling dürum og pomme frites med mayo...

homeward bound

2007-09-23T00:59:00.000Z

Stuttri dvöl á stormskerinu senn að ljúka. Eins og það er ágætt að vera hjer með fólkinu sínu þá verður æði að komast aftur heim á Hillerødgade. Að vísu enginn feitur köttur sem kúrir með manni eða hressur hundur sem pissar á fæturna á sér en þar hef ég áskoranir, nýja og gamla vini og auðvitað mína nýju fíkn, arababúllumat. Sérlega fín fæða og ódýr sem kemur sér alveg prýðilega fyrir fátæka námsmenn.

Næst á dagskrá: Larry Bird og Carls Special með strákunum, Hrefnu-hittingur, arty-farty með Dim, skóli, líkamsrækt.

Ekki á dagskrá: Bubbi á Bryggen.

sound of music

2007-09-08T04:26:00.000Z

Fór á tónleika í kvöld í Christianshavn þar sem léku fyrir dansi Seabear og Benni Hemm Hemm ásamt hinni rómuðu DjéJoð Musika.

Það verður vart annað sagt um sett Seabear en að þar hafi farið afslöppuð og skemmtileg dagskrá sem náði þeim fáu sem lögðu við hlustir þó reyndar hefði stöku hljómsveitarmeðlimur mátt dýfa stóru tánni aðeins varlegar í djöfladjúsinn. Og að ósekju hefði myndatökumaðurinn Árni alveg mátt láta tambúrínuna vera enda með afbrigðum taktlaus maður þar á ferð. En öngvu að síður gott partý og fín músík hjá Sæbirni.

Svo steig á stokk hinn rómaði Benni Hemm Hemm, eða öllu heldur hin sundurleita en jafnframt þétta sveit Benna Hemm Hemm með Benna fremstan í flokki. Það verður ekki annað sagt en að það sé miður að ég hafi ekki gert mér far um að kynna mér tónlist þeirra fyrr því þarna fór popp af bestu gerð og langt síðan að jafn gaman hefur verið á jafn íslenskum tónleikum. Það var vart að bandið slægi feilnótu enda greinilega þarna á ferð hópur sem hefur slípast vel saman á undanfarinni tónleikaferð, m.a. um Bandaríki Norður-Ameríku, og hafa gaman af því sem þau eru að gera... ólíkt t.d. löndum þeirra í Steed Lord sem heiðruðu Danann með heimsókn sinni fyrir nokkrum vikum og höfðu lítið annað upp á að bjóða en fallegar umbúðir án teljandi innihalds. En hvað um það, Benni Hemm Hemm átti salinn í kvöld og ef þessi náttúrutalent sem Benni augljóslega er og hans fína band halda áfram á sömu braut þá hafa þau litlu að kvíða varðandi framtíðina.

margt er skrítið í kýrhausnum

2007-09-04T18:59:00.000Z

Athyglisvert að sjá muninn á helstu fréttum skersins og Baunanna þessa daga.

Heima er símaauglýsing nokkur með Ésú og Júdas í aðalhlutverkum, vel gerð og nokkuð skemmtileg auglýsing, að fara illa í helstu forkólfa helgislepjunnar auk þess sem umferð þótti ganga heldur hægt í morgun. Nokkuð sem gerist á hverju ári, þökk sé lífsgæðakapphlaupinu og hálflömuðu almenningssamgangnakerfi (sem er reyndar svo vegna þess að fólk notar ekki strætó, þetta sama fólk segist svo ekki gera slíkt vegna slæms kerfis... catch 22).

Hér á flatlendinu þar sem haustið er farið að minna á sig hefur helsta fréttin verið handtaka átta manna af útlensku bergi brotnu í morgun. Eru þeir bendlaðir við hryðjuverkastarfsemi en nokkuð magn sprengiefna fannst á heimilum þeirra. Einnig hafa hressu krakkarnir úr Ungdómshúsinu sem var rifið fyrir sex mánuðum sælla minninga verið að minna aðeins á sig hér í næstu götu. Kveiktu sér nokkra varðelda og fríkkuðu aðeins upp á McDonalds og fleiri kapitalistasvín sem endaði með því að 63 stykki fengu gistingu í boði danska ríkisins. Gert er ráð fyrir frekari óeirðum út vikuna og það er engin hætta á öðru en að ég verði hér í hringiðunni.

Veit ekki með ykkur en ég myndi frekar vilja vera í smá tíma í umferðinni en að vera sprengdur í loft upp.

íslenskt já takk?

2007-09-03T20:59:00.000Z

Grískur bekkjarfélagi minn þreytist seint á að ræða tvennt við mig, tónlist og Ursus Vodka. Allt gott og blessað með tónlistina enda höfum við býsna svipaðan smekk en þessi helvítis vodka-drykkur, sem er víst óttalegur píkudrykkur, er markaðsettur grimmt í Grikklandi sem "The Surprise from Iceland"! Svo mikið sörpræs að ég kom algjörlega af fjöllum og þó tel ég mig hafa nokkra þekkingu á áfengi, íslenskum tegundum hið minnsta. Eftir nokkra eftirgrennslan kemur þó í ljós að þetta er hollenskur skítur sem samkvæmt framleiðslufyrirtækinu sjálfu er framleitt eftir íslenskri uppskrift. Uppskrift hvurs eða hvar þeir fundu hana segir þó ekkert um.

Má það?! Framleiða einhvurn skít, henda ísbirni á flöskumiðann og framleiða sem alíslenskt! Þeir gengu þó skrefinu lengra því samkvæmt Ömma sem er með oss í bekk og vann hjá Saga Film þá fóru kvikindin á alla leið á stormskerið og gjörðu þar auglýsingar með jöklum, hverum og öðru slíku... hvar var samt ísbjörninn, Bejork og steríótýpíska íslenska druslan?!

áhrifagjarn

2007-09-02T23:44:00.000Z

Gerir maður sér nokkurn tíma fullkomlega grein fyrir áhrifavöldum sínum í lífinu? Sem barn eru helstu átrúnaðargoðin jafnan fólk á við leikara, tónlistar- og íþróttafólk án þess að maður geri sér nokkra grein fyrir því hverjir það eru sem raunverulega móta mann. Svo ég taki nú dæmi af sjálfum mér, enda tel ég mig vera þá manneskju sem ég þekki hvað best, þá hef ég stóran hluta ævi minnar verið óttalega grænn og talið mig vera sterkan og óháðan sem klett. En jafnvel klettar eru háðir umhverfi sínu. Kletturinn mótast af umhverfi sínu og jafnvel brotnar niður við slæmar aðstæður.

Eins og áður sagði þá hundleiðist mér akkúrat núna og var ég því að þvælast vefsíðna á milli og var fyrir rest dottinn inn á síður fólks sem ég hef ekki talað við lengi og lítið sem ekkert fylgt eftir í netheimum. Fór inn á síðu stelpu sem mér þykir alltaf skemmtilegt að lesa og þaðan inn á síðu vinkonu hennar sem ég bjó með til skamms tíma á grænni árunum. Í minningunni var þetta fyrir hundrað árum enda ég allt annar og síðri maður þá en það sem stendur upp úr er fólkið sem ég kynntist, s.s. fjölskylda hennar, því ég gæti ekki fyrir mitt litla líf sagt til hversu lengi sambandið varði né heldur á hvaða tímabili það var. Enginn sérstakur tilgangur með færslu þessari nema að einhverra hluta vegna læddist þessi pæling inn í kollinn á mér, hvaða áhrif hefur annað fólk haft á mig í gegnum tíðina og jafnvel hvaða áhrif hef ég haft á þau.

Þessa dagana er Paulo Coelho áhrifavaldur auk alls þessa góða fólks sem ég hef kynnst í gegnum tíðina. Takk fyrir mig.

Þema kvöldsins er tilgangslausar bloggfærslur og veitingastaður Romeo hér niðri.

home alone

2007-09-02T22:17:00.000Z

Skrítið að vera einn í kotinu, Mömmí fór heim á stormskerið á föstudag og verður fram til níunda. Ekkert sérlega gaman að hanga einn heima við svo maður hélt sér uppteknum með rápi og djammi alla helgina.

Föstudagsbarinn í skólanum var stuð, fór með nokkrum úr bekknum um eittleytið eftir að hafa kynnt fyrstu verkefnin okkar. Svo var bara rölt á gott Nørrebro-djamm, einmitt á þeim slóðum sem óeirðirnar voru síðastliðna nótt í næstu götu við mig. En hvað um það, ég og Dimitris entumst fram undir morgun svo þegar vaknað var fór ég og hitti Djúníor og Andra á sportpöbbnum og svo var haldið á djammið sem reyndist hið prýðilegasta og entist fram undir morgun til að fagna sigri TNT á fótboltamótinu heima fyrir.

Og þetta er með leiðinlegri bloggum frá mér, nenni allajafna voða lítið að blogga eitthvað svona um óspennandi gjörðir mínar. En mér huuuuuundleiðist akkúrat núna og nenni ekkert að fara að sofa á næstunni svo þið neyðist bara til að láta þessa færslu ykkur að góðu verða.

Gæti reynt að gera þetta enn síður spennandi með því að tala um veðrið. Það er orðið skítkalt hér og ég er búinn að draga fram flíspeysuna enda ekki nema svona 15° á daginn!

best í heimi?

2007-08-27T12:50:00.000Z

"Íslenskar konur þyngri en þær dönsku". Þetta rennir stoðum undir þær niðurstöður er dágóður hópur íslenskra karlmanna komst að á dönskum næturklúbbi síðastliðið föstudaxkveld. Mýtan um að íslenskir kvenmenn séu þeir fallegustu í heimi er bara alls ekki rétt og eingöngu til þess fallin að viðhalda hinum íslenska stofni. Ef allir heima á stormskerinu vissu að það er alveg til jafn fallegt kvenfólk (og reyndar karlfólk líka), jafn gott vatn, og bara hreinlega að við værum ekki best í heimi heldur bara alveg þrælfín eins og svo margir aðrir þá er ég ekki viss um að íbúafjöldinn væri farinn að tikka vel í þrjúhundruðþúsundin.

multinational multimedia

2007-08-27T11:59:00.000Z

Fyrsta skóladegi í möööööööööörg ár lokið! Var auðvitað vel stressaður enda ekki á hverjum degi sem maður byrjar í nýjum skóla, í nýju landi með fullt af ókunnugu fólki sem hefur fæst sama tungumálið að móðurmáli. En þetta gekk prýðilega alveg hreint og get ég ekki sagt annað en að ég hreinlega hlakki til þess að takast á við þessa nýju áskorun. Kennararnir virðast fínir, öll aðstaða til fyrirmyndar og svo er maður strax farinn að kynnast aðeins nýju fólki. Settist hjá grískum kauða sem reyndist hafa áhyggjur af því að hann væri langelstur þarna, yndinu mér tókst nú að róa hann aðeins er ég reyndist litlum þremur árum eldri en hann. Og samt ekki elstur, þarna er viðkunnanlegur ungur maður frá Kúbu sem er alveg þrjátíuogníu vetra og því elstur, og reyndar eldri en sumir kennararnir! En hvað um það, hópavinnan strax byrjuð og endaði ég í hópi með Skota, Dana, Kínverja og Pakistana skemmtilegt nokk. Það eru nokkrir Íslendingar í þessu námi líka en það er reynt að blanda fólki svolítið saman svo maður sé nú ekkert að detta í það að blaðra hið ástkæra ylhýra í tíma og ótíma, maður getur þá bara brúkað íslenskuna á föstudagsbarnum en mér skildist á breskum kennara nokkrum að þar væri iðulega Íslendingana að finna, hvar annars staðar?!

lög heldra fólksins

2007-08-23T01:13:00.000Z

Tónlistargrúskarinn ég rakst á gamla 80's klassík og fór að rifja upp misgóðar útgáfur sem gerðar hafa verið af hinu bráðskemmtilega og hressa lagi "Word Up!". Reglulega koma besserwisserarnir fram með þá fullyrðingu að tónlistarheimur versnandi fari (álíka vinsæl kenning og hið sívinsæla að æskan sé óalandi og óferjandi) og vissulega er til alveg grátlega mikið af slæmri popplist en að sama skapi geta allir fundið eitthvað við sitt hæfi ef þeir nenna að hafa fyrir því að leita.

En hvað um það, lagið "Word Up!" legg ég hér með í ykkar dóm. Þekktustu útgáfurnar eru hin upprunalega með Cameo, sem ég hef alveg sérstakt dálæti á enda myndbandið einstakt augnayndi, og svo útgáfa Korn, hljómsveitar sem mér þykir hreinasti horbjóður, sem hefur í raun litlu að bæta við kraftlausa útgáfu hinnar skosku Gun sem hlaut sínar 15 mínútur af frægð í Evrópu fyrir lagið á sínum tíma. Auk þess gerði kryddpían Mel Bé (sem tók upp bókstafinn G. þarna... væntanlega til að höfða til breiðari hlustendahóps!) frekar lamaða útgáfu af laginu lítillega vinsælt á Bretlandseyjum undir lok síðustu aldar, einhver bresk söngkona að nafni Willis strípaði svo lagið með ágætis árangri og þýska köntrí-bandið The BossHoss tók lagið hressilega upp á sína arma. En gjörið svo vel:

1986: Cameo
1994: Gun
1999: Melanie G.
2004: Korn
2004: Willis
2005: The BossHoss

x-djéskotifínforgangsröðun

2007-08-22T17:36:00.000Z

Þeir bráðhrezzu Sjálfstæðismenn er þið kusuð til að stjórna borg óttans hafa nú fengið það í gegn að ekki er lengur hægt að versla sér kældan bjór eða kælt léttvín í einokunarvínverslun Ríkisins í Austurstræti. Helst vildu þeir þó líka að eigi væri hægt að kaupa sér djöfladjúsinn í stykkjatali því jú allir vita að stakur kaldur bjór er verkfæri djöfulsins og helsta ástæða fyrir ofbeldi og ólátum þeim er verða ósjaldan síðla nætur (eða snemma morguns) um helgar um það bil 10-12 tímum eftir að ólátabelgirnir keyptu sér einn kaldan öl í Vínbúðinni í hundraðogeinum. Samgleðjumst við smáborgararnir hér í Kaupmannahöfn Reykvíkingum við þessi tímamót enda kaupum við ósjaldan kassa af Carlsberg- eða Tuborg-öli (ókældan nota bene) í hverfisversluninni á 75-95 danskar krónur og getum við staðfest að ekki höfum við enn barið neinn hér í kóngsins í ölæði né heldur framið nein skemmdarverk. Ekki er þó öll nótt úti enn af því að það verður fjölmennt á hina bráðhýru Gay Pride-skemmtun þeirra Dana á laugardag og þá er nú hætt við að mannskapurinn slysist í kaldan öl í næstu verslun eða sölubás og þá munuð þið væntanlega fá fregnir heim á stormskerið af brjáluðum víkingum að berja á dönskum drottningum!

besta höstl

2007-08-18T02:43:00.000Z

Drengurinn vatt sér út af næturklúbbnum nokkuð sáttur en jafnframt drukkinn. Stysta leið heim væri einmitt framhjá subbumatsölunum... mmmm shawarmaaaahhh! Nema hvað af nýlærðum vana þá svarar maður ekki liðinu á Istedgade ef maður vill sleppa óáreittur í gegn. Næstum sloppinn og þá vindur sér lágvaxin og bráðhugguleg dama upp að félaganum og segir eitthvað algjörlega óskiljanlegt. Ganga áfram og ekki horfa í augun á þeim er fremur leiðinleg regla sem maður fylgir en auðvitað viss óvirðing gagnvart samferðamönnum manns hvort sem þeir eru gleðikonur, eiturlyfjasalar, heimilislausir eða bara túristar að spyrja til vegar... allt sami skíturinn í þessari götu á þessum tíma nætur þegar maður skilur ekki neitt. Næstum sloppinn af Istedgade með subbumatinn þegar fallega daman verulega ósátt eltir gaurinn og segir "You show me respect and answer me!". Ok ég greinilega að fara eitthvað mis, eflaust var hún bara að biðja um sígarettu eða eitthvað saklaust. "No worries, I show everybody minimum respect, what can I do for you?." Bráðlekkera daman gengur með félaganum inn hliðargötuna í átt heim, "Where are you from?". Lygna kvikindið sem ég er, "England. You good?". -"You are a good man" segir litla fallega daman sem undir öðrum kringumstæðum hann hefði jafnvel reynt við "...I suck your dick?" segir hún og grípur um klofið á honum. Aaaargh! Gleðikona í dulargervi aðlaðandi dömu! "No, no that's too much respect!" sagði hann og hugsaði með sér að ekki líta allar hórur út sem hórur og þó svo væri þá verðskulda allir a.m.k. hæ, bros eða einhverja viðurkenningu áður en maður flýtir sér framhjá þeim og reynir að hundsa misskiptingu velferðarþjóðfélagins.

best í heimi?

2007-08-17T16:19:00.000Z

Það er alveg magnað hvað Íslendingar eru fyrirferðarmiklir hér í Köben. Ekki nóg með að maður heyri ástkæra ylhýra talað um allt heldur þá er töluvert um að íslenskir tónlistarmenn séu spilandi hér. Og þá er ég ekki að tala um bankastyrkta túristatónleika á við Stuðmenn og Sálina heldur tónlist sem ég hef virkilegan áhuga á að sjá. Á leiðinni eru t.d. Pétur Ben., múm og Amiina svo ég viti til og ef ég suða nógu mikið þá vonandi boybandið Jan Mayen einnig! Svo eru tvær hátíðir í gangi hér um helgina þar sem m.a. spila Steed Lord, Kira Kira, Hairdoctor, FM Belfast og Yagya, ekki amalegt það auk þess sem maður hefur kjörið tækifæri til að kynna sér nánar aðra norræna tónlist s.s. Trentemøller, Efterklang, Kasper Bjørke, Lo-Fi o.fl. á öllum þessum tónleikum sem eru stöðugt í gangi hér.

Það eru því hverfandi möguleikar á heimþrá því auk þessa hefur maður blöðin, útvarpsstöðvarnar, sjónvarpsstöðvarnar, vini og vandamenn í nokkurra takka fjarlægð ef maður vill þó auðvitað sé alltaf yndi að hitta pakkið in person. Ekki er loku fyrir það skotið að maður skjótist heim undir lok ársins og að sama skapi þá eruð þið ávallt velkomin hingað... nema stundum! Tilvalið er t.d. að fjölmenna á landsleik Danmerkur og Íslands í Parken í nóvember, nudge, nudge.

Fyrir ykkur sem eruð farin að gleyma mér strax þá má benda á ansi skemmtilegar myndir af gamla á vettlingur.blogspot.com.

Yfir og út.

godsbanegade calling!

2007-08-15T21:18:00.000Z

Þá er Frans að baki og allt að gerast í kóngsins. Strasbourg var flott borg, þetta var góð vika með góðum mat, góðu víni og góðum félagsskap. Mange tak! Næst á dagskrá er flutningur af Vesterbro yfir á Nörrebro um næstu helgi. Það verður vissulega leiðinlegt að færa sig fjær miðbænum, Fisketorvet og Istedgade svona þegar maður er rétt farinn að rata eitthvað og gleðikonurnar og dópistarnir farnir að heilsa manni en að sama skapi eðall að flytja nær skólanum auk þess sem mér skilst að nýi staðurinn sé alveg ðe pleis tú bí.

Svo byrjar blessaður skólinn þann tuttugustaogsjöunda en fram að því verður maður að finna sér eitthvað að gera. Litla lellan er að flytja til Sverige og kíkir líklega memm á gay pride hér í Köben þann tuttugustaogfimmta. Svo er það spurning um að kíkja á fótboltaæfingar með Hermund og loks þá er maður alltaf að bralla eitthvað með Múmmí sem er að byrja í sumarfríi... nema frá 31/8 til 9/9 en þá ætlar gamli sóðahúndúrínn að flýja heim á stormskerið, hels melurinn. Svo það verður laust svefnpláss og ölkrús á Hillerödgade 87, 2200 Köbenhavn. Pantanir verða teknar í síma (+45) 2273 3475 sem einmitt skemmtilegt nokk er númerið sem ek er að brúka þessa dagana.

kveðja frá frakklandi

2007-08-08T12:14:00.000Z

Sé að það er allt að gerast heima á stormskerinu, fyrsta frétt á Mbl er "Hnúfubakur að leik á Faxaflóa". Magnetic sjitt.

alfons

2007-08-04T22:48:00.000Z

Jæja, þá er maður búinn að vera nokkra daga hér í erlöndum svo það er kominn tími á að maður láti heyra í sér. Búinn að vera alveg eðalleti hérna megin pollsins. Strákarnir sullað svolítið í ölinu, keyrt um stór-Kaupmannahafnarsvæðið, gengið fæturna upp að hnjám og fylgst með heimsmeistaramóti heimilislausra í fótbolta. Hittum einmitt á að vera viðstaddir leik Danmerkur og Póllands þar sem stemmningin var þrælgóð þrátt fyrir 14-1 tap. Ekki laust við að Íslendingurinn skemmti sér yfir tölunni huxandi til 14-2 tapsins á Parken i den... það er vonandi að landsleikurinn í nóvember verði aðeins jafnari enda sást til Bjarna Fel. á svæðinu eflaust að kynna sér staðarhætti fyrir íslenska liðið.

Svo eru það Rolling Stones-tónleikar á morgun og Frakkland á mánudag. Tónleikarnir verða eflaust skemmtileg upplifun, svona eins og að fara á hresst safn með 50.000 safngestum í góðum fíling. Frakkland verður aftur á móti eflaust tóm leiðindi enda neitar Unnsan að brúka mjólkurkirtla í þágu alþýðunnar og blóðmjólka vonbiðlana. T. Í. A. K.

Kominn með símanúmerið (+45) 4152 1093 en skemmtilegt nokk þá er það rétt eins og (+354) 895 0074 algjörlega óvirkt eins og er og ætli maður geri skít í því fyrr en eftir Frans um miðjan mánuðinn. En þá taka líka flutningarnir við þar sem flutt verður af Vesterbro yfir á Nörrebro, rétt hjá skólanum sem svo byrjar þann tuttugustaogsjöunda.

Góðar stundir.

we had joy, we had fun...

2007-07-27T09:00:00.000Z

Sjálfrennireiðin farin og síðasti vinnudagurinn runninn upp, magnaður skítur! Aldrei hefði ég trúað því að ég myndi endast svona lengi á einum og sama vinnustaðnum. Metið mitt áður var heilt ár! Hjá Póstinum/TNT hef ég verið núna síðan um haustið '99 (með hálfsárs hléi hér um árið þegar ég á einhvern óskiljanlegan hátt hélt að það væri sniðugt að vera deildarstjóri hjá ónefndri verslunarkeðju) og það er óhætt að segja að maður hafi viðað að sér góðri reynslu sem og góðu fólki. *Skælipása* Eins og ný áskorun er spennandi þá er að sama skapi alltaf frekar erfitt að kveðja eitthvað sem maður þekkir inn og út og er góður í svo ekki sé minnst á góðan félagsskap. Takk fyrir mig kæru félagar. Ætli það sé nokkur hætta á öðru en að maður verði kvaddur nokkuð harkalega um helgina... skál fyrir mér, blessuð c minning mín!

vrúmmvrúmm

2007-07-25T11:58:00.001Z

Liverpool-litaða sjálfrennireiðin er til sölu vegna flutningsins út. Kvik-yndið er sparneytinn VW Polo '99 ekinn rúmlega 97 þúsund og er viðmiðunarverð skv. Bílgreinasambandinu 271.000 en ég slæ vel af vegna þess að ég hef trassað viðhaldið á honum. Það er semsagt kominn tími á bremsurnar, smurningu og skoðun auk þess sem afturstuðarinn er lítillega tjónaður... 150 þúsari fyrir mánudag og málið er dautt!

þegar stórt er spurt

2007-07-24T14:42:00.000Z

Hvað er "hraðfiskbátur"? Er bátum skipt í flokka eftir hversu kvikir fiskarnir eru sem þeir veiða eða er þetta bara bátur sem fiskar hratt? Spyr sá sem eigi hefur migið á óstöðugri stað en viðskiptafarrými SAS.

hokk-us fokk-us

2007-07-21T11:12:00.000Z

Næsta manneskja sem minnist á helvítis garlatittinn í mín eyru fær illt augnaráð. Og hananú!

fly on the wings of love

2007-07-18T12:29:00.000Z

Nú þegar innan við tvær vikur eru í brottför hef ég komist að því að það er einungis einn leiðinlegur hlutur við allt húllumhæið, kveðjurnar. Fólk er byrjað að kveðja gamla í hrönnum og því vil ég nota tækifærið til að koma því á framfæri við ykkur að hafa þetta stutt og einfalt. Kveðjustundir eru asnalegar og ég er ekki að deyja, hafið það í huga og þá neyðist ég ekki til að kýla ykkur í belginn.

ástarjátning

2007-07-18T11:56:00.000Z

Nokkuð hefur verið gert úr samkeppni Kastljóss RÚV og Íslands í dag Stöðvar 2 síðustu misserin. Fyrir mér eru þetta nokkuð keimlíkir dagskrárliðir þó að Kastljósið fái að því er virðist úr meiru að moða og sé því nokkuð vandaðri. RÚV hefur allajafna vinninginn hjá mér sé ég á annað borð að horfa á imbann á þessum tíma en nú er ég æ oftar farinn að kíkja á Ísland í dag. Og það af einstaklega yfirborðskenndum ástæðum því hjá Stöð 2 höfðar þeirra helsta augnayndi mun meira til mín en helsta augnayndi RÚV! Grallarabros Friðriku þykir mér mun skemmtilegra áhorfs en góðmennska hinnar fullkomnu Ragnhildar. Gaman já!

semsagt skylda að fara til sálfræðings þarna?

2007-07-18T11:52:00.000Z

"Chappelle var með grínþáttinn The Chappelle Show hjá Comedy Central en hætti með hann árið 2005 og fór til Suður-Afríku. Á meðan dvöl hans stóð í Afríku neitaði hann að sækja tíma hjá sálfræðingi."

070707

2007-07-03T08:45:00.000Z

Ég má til með að þakka íslenskum fjölmiðlum mikla og ítarlega umfjöllun um hinn stórmerkilega dag 7. júlí næstkomandi. Ég fæ bara ekki nóg af umfjöllun um öll brúðkaupin sem verða þennan rómantíska laugardag. Og mikið hló ég nú dátt þegar viðtal var tekið við hárgreiðslukonu nokkra um törnina þennan dag þegar í ljós kom að hún var sjálf að fara að gifta sig, hverjar eru líkurnar segi ég nú bara! Mikið gaman.

Undir áhrifum frá 070707 hef ég nú sjálfur ákveðið að gifta mig 6/9 '69, boðskortin eru í póstinum.

snhdqpaz

2007-06-19T11:40:00.000Z

42 dagar! "Það er stórkostlegt. Alveg meiriháttar. Það liggur í augum úti!"

flrlnoc

2007-06-15T08:29:00.000Z

"Vísir, 15. júní. 2007 06:58 : Bifhjóli og bíl lenti saman." Jahá, skapið getur greinilega farið illa með ökutækin líka.

dppibeho

2007-06-13T14:28:00.000Z

Nú hljóp svo sannarlega á snærið hjá sóðapjöllum, þurrkuntum og öðrum víkingavagínum, um 700 dátar frá erlöndum rétt ókomnir til að hrista upp í einsleitu sveita-DNA landans. Hev fönn því gvööööð veit að það yrðu svo sannarlega uppi á okkur karlpúngunum typpin væri þetta kvenpeningur í miklum meirihluta!

crsda

2007-06-05T10:10:00.000Z

Left-Eye Friðriksson var svo indæll að benda mér á eitthvað er ég tel allt í senn, versta lag, versti texti og versta myndband allra tíma svo eigi var hægt annað en að dreifa gleðinni. Gjörið svo vel.

napoo

2007-06-04T08:52:00.000Z

Þá er enn ein sukkhelgin að baki. Og eftir sukkið standa fjör, slaxmál og mórall. Og nei, ég kom ekki nálægt slaxmálunum nema til að hjálpa til við að stoppa þetta og fylgja fjelaga á slysó. Móralinn skal ég aftur á móti alveg eiga góðan hluta af. Djamm-mórallinn er nokkuð magnaður andskoti. Hver hefur ekki lent í að gera eitthvað sem hann hefði betur látið ógert og hefði aldrei gert með fullu viti? Margir ganga um í dag þjakaðir af móralnum góða en líklega enginn þó eins og Daninn sem býr í Svíþjóð og skrapp á leik grannaþjóðanna og erkifjendanna Danmerkur og Svíþjóðar í kóngsins Kaupmannahöfn. Fjelaginn skrapp á fjörugan leik með vinunum, 10-20 bjórum seinna er hann í sviðsljósi heimsfjölmiðlanna og hataðasti maðurinn í heimalandinu! Já það er misjafn skandallinn sem gerist í ölæði en líklega toppar þessi mórall alla aðra.

cavjmirg

2007-06-01T08:49:00.000Z

Meikaði að spila bolta í gær án þess að finna nokkuð til í bakinu góða, yndislegt! Eigum við þá ekki bara að segja þetta tognunar-/brjósklosves sé úr sögunni? Gaman já!

rkecdxf

2007-03-13T11:08:00.000Z

Neijjjj hææææjjjjjjjjj! Kasseirrrrrruhhh?! Ég? Neh, ér skoohh sprellalæv, sprækör sem lækör, háll sem áll og í stöðehh með gvöðehh! Bara upptekinn við að útdeila ástinni og bjarga heiminum. Sjáööömst!

vasdrdly

2006-12-22T10:29:00.000Z

Í tilefni þess að ég mun eyða hátíð Mappelíns og Nóa-konfekts að mestu leyti einn þá vil ég taka það fram að draumakonan er sú sem borðar bara konfektmolana sem mér finnst vondir. Þ.e. molana með óreglulega munstrinu, ég gæti ómögulega verið með dömu sem borðar molana mína!

Umsóknir um stöðu draumakonu sendist á:

ekelskaadmakamigimajonesiamedanekhorfiadrphil@rassgat.net merkt Majones-jól.

xfsricmr

2006-12-14T17:21:00.000Z

Það hlaut að koma að því. Ég er orðinn stór. Vinkona nokkur benti mér á að eitt lítið einmana dökkt hár leyndist í vinstra eyra mér. Þetta fylgir víst ellinni, þá er grái fiðringurinn bara handan við hornið (sem mér skilst reyndar að sé ekki ósvipaður gelgjunni!) og svo bara dauðinn. Og ég sem veit enn ekki hvað ég ætla að verða þegar ég verð stór!

twesipv

2006-12-12T21:05:00.000Z

Margir piltar gera töluvert af því að ræða dömur sín á milli og er ég svo sem engin undantekning á því en ég verð þó að viðurkenna að ég hef lítið gert af því að halda utan um "töluna" víðfrægu. Það kom þó að því að ég lá andvaka eina nóttina (sem reyndar hefur verið nokkuð algengt undanfarið en það er allt önnur saga) og fór að pæla í þessu upp úr þurru. "Hver ætli tala mín sé og hvar á rembuskalanum væri hún?" Þessi ókláraða pæling hjálpaði mér að sjálfsögðu ekki við að sofna enda held ég hafi farið yfir ferilinn í eflaust tvo tíma áður en ég gat komist að samkomulagi við sjálfan mig um tölu. Ekki það að fjöldinn hafi verið svona gríðarlegur heldur hitt að minni mitt er bara alls ekki það besta þegar kemur að fólki, það er ekkert öruggt að ég þekki þig aftur þó ég hafi sett typpið á mér inn í þig (og hafi það komið fyrir þá biðst ek forláts)!

Nú er formúlan að "tölunni" jafnan talin sú að deila tölu piltana í tvennt en margfalda tölu stúlknanna með tveimur og eflaust er það laukrétt í fjöldamörgum tilfellum. Tala mín verður þar með tuttuguogátta sem ég er ekki endilega sannfærður um að hljómi betur en er væntanlega nær meðaltali hinna týpísku íslensku sperðla en hin stórskemmtlega tala fjórtán. En það er einmitt talan sem ég gat sannfært sjálfan mig um að væri hin eina rétta eftir mikla yfirlegu. Skekkjumörkin gætu verið smávægileg upp á við en myndu þó vart breyta miklu því ef svo er er ég líklega kominn með slæman heilahrörnunarsjúkdóm.

Mörgum kann að virðast það kyndugt að ræða "töluna" svona opinskátt en þeir sem þekkja mig vita að kynlíf þykir mér, eins og flestum vonandi, afskaplega áhugavert. Svo áhugavert að það fer lítið fyrir blygðunarsemi, svo lítið reyndar að það jaðrar jafnvel við pervisma. Sem verður þó aftur á móti að teljast þó nokkur mótsögn sé litið til "tölunnar" margumræddu.

En hver ætli tala ykkar, kæru vinir og kunningjar, sé og hvaða augum lítið þið hvert annað með tilliti til hennar? Ég sjálfur með afskaplega takmarkaðan áhuga á einnar nætur kynnum auk þess að vera með afbrigðum "pikkí" finnst lítið koma til hárra talna en velti þó ósjálfrátt fyrir mér hvort eitthvað sé að varpi viðkomandi fram lágri tölu... svona er maður nú dómharður og þröngsýnn þrátt fyrir stelpulega töluna og hórulegt orðsporið.

fskfzsl

2006-12-11T19:12:00.000Z

Morguninn eftir er enginn hægðarleikur er rúgbrauðs með osti er neytt sem miðnætursnarls.

ewxshbh

2006-12-10T17:02:00.000Z

Já, Bloggerinn er búinn að vera í einhverju mauki svo ég ákvað að prófa þetta enn einu sinni núna... gaman að því og já merkilegt nokk þá er Myspazzinn minn enn myspace.com/rassgat ... megi hæð yðar haldast óbreytt á komandi ári!

ijcxyaz

2006-11-24T12:58:00.000Z

Það hefur vart farið framhjá nokkrum sem fylgist eitthvað með fréttum að 365-ljósvakamiðlar hafa tryggt sér eitt vinsælasta sjónvarpsefni Íslands næstu árin, en það eru útsendingar frá enska fótboltanum. Nánast allir sem ég hef rætt við um þessar fregnir harma þær mjög. Hinir annað hvort er alveg sama ellegar vinna hjá 365.

Skv. forráðamönnum núverandi rétthafa enska boltans þá drógu þeir sig úr útboðinu um sýningarréttinn er upphæðin var komin vel á annan milljarð íslenskra króna! (Nokkuð kyndugt þegar höfð eru í huga harmakvein 365-manna yfir 200 milljóna boði Skjásins á sínum tíma!) Sem er vel að merkja álíka upphæð og margir mun stærri markaðir eru að greiða svo það er greinilegt að 365 ætlaði sér réttinn sama á hverju gengi, sem er svo sem skiljanlegur hugsanaháttur fyrir fyrirtæki sem hefur rambað á barmi gjaldþrots svo árum skiptir og er stýrt af mönnum sem vilja snúa vörn í sókn. En það sem ekki hefur farið hátt í fjölmiðlum til þessa er það að samningurinn verður gerður í bandarískum dollurum sem skemmtilegt nokk er í nokkurri lægð gagnvart íslenskri krónu þessar mundir. Og hvaða máli skiptir það kann fólk að spyrja sig. Jú, ef (eða þegar) hinn bandaríski gjaldmiðill réttir úr kútnum á ný þá verður auðvitað samningur 365-ljósvakamiðla um enska boltann sífellt óhagstæðari sem þýðir þá auðvitað aðeins að áskrifendur munu gjalda fyrir það (ef ekki verður búið að reka fyrirtækið í þrot áður).

En það að vera tekinn þurrt í óæðri endann er svo sem áskrifendum 365-ljósvakamiðla ekki ókunnugt svo margir hverjir munu láta sér það lynda af gömlum vana. Skammt er að minnast hvernig staðið var að útsendingum enska boltans á þeim bænum áður en Skjársport (sem ég á nota bene engin hagsmunatengsl við) tók svo myndarlega við keflinu. Það var ekki fyrir þjónustu við áskrifendur að fara þá því aðalaumferð boltans, sem Skjásport sýnir í heild sinni eða fimm leikir að meðaltali í einu, var einungis sjónvarpað með einum leik á Stöð 2... sem verður að teljast nokkuð kyndugt þar sem nánast sama fréttatilkynning var notuð þá og nú þess efnis að SÝN, ekki Stöð 2, hafi tryggt sér réttinn og að SÝN, ekki Stöð 2, væri besta íþróttastöðin! En allt var þetta auðvitað einungis til þess fallið að reyna að hafa meiri peninga af áskrifendum. En þess ber að geta að grunnáskrift án allra bindingarkvaða eða tímabundinna tilboða að Sýn í dag er 4.790 kr. og að Stöð 2 5.490 kr. á meðan áskriftin að Skjásport með öllum leikjum (og ítalska boltanum að auki) er 3.490 kr. Það þarf því enginn snilling til að sjá að þetta mun koma niður á neytendum. Og þá tek ég ekki einu sinni inn í myndina að sjónvarpsútsendingar 365-ljósvakamiðla eru mun síðri en útsendingar Símans sem sjónvarpar Skjásporti, sem helgast aðallega af því að sjónvarpsútsendingar um örbylgju eru einfaldlega einhver sú sísta og ótraustasta aðferð sem til er til að senda sjónvarpsmerki.

Hvað taka þá óánægðir neytendur til bragðs? Jú, ódýrara mun reynast að fá sér móttökubúnað fyrir sjónvarpsútsendingar um gervihnött en að taka þátt í M12-skrípaleik 365-ljóvakamiðla. Að auki herma fregnir að Viasat-risinn hyggist hasla sér völl á litla skerinu sem ætti að gera markaðinn athyglisverðan í það minnsta.

Takk fyrir mig, Skjársport.

ezqtphh

2006-11-22T08:44:00.000Z

Pilturinn horfði á The Break-Up sjálfviljugur og einsamall í gærkveldi og hafði bara nokkuð gaman af... nú væri svo sannarlega rétti tíminn til að koma út úr skápnum!

lkydqdke

2006-11-21T00:14:00.000Z

Nei hæjjj! Veistu hvað?! Heldurðu að kjánaprikið ég hafi ekki bara gleymt að skila mér inn í prófkjörið fyrir tilsettan tíma... ojæja, Davíð á þing bara seinna þá, er hvort eð er upptekinn sko. Jammjammjamm.

ewioo

2006-11-20T09:03:00.000Z

"Skortur á vinnuafli í Póllandi."

paihsn

2006-11-14T18:21:00.000Z

Hvað er það við íslensku þjóðarsálina sem fordæmir allt sem fetar ótroðnar slóðir og markvisst drepur niður öll frávik og frumlegheit?!

Tökum mótmæli sem dæmi, menn eru gjarnan litnir hornauga og á þá híað þar til fæstum dettur í hug að standa í þessu lengur. Og mótmæli virðast líka eldast af fólki, merkilegt nokk, því það er hending orðið ef þetta er ekki drifið áfram af ungu fólki sem enn býr yfir hugsjón og ástríðu til að fylgja henni eftir... mikið hlýtur maður að verða leiðinlegur ef manns helstu áhyggjur er eldri verður eru það hversu lengi maður þurfi að sitja í jepplingnum við bílalúguna á McDonalds til að ná í fjölskyldutilboðið.

Allir eiga að passa í einhverja skúffuna, helst þessa stóru þar sem allir vinna myrkranna á milli, eru trúaðir á jólum og í jarðarförum, kjósa það sem pabbi kaus og eiga flottari bíl en fúllámóti. Stjórnmálamenn eru allflestir steyptir í sama mótið í gegnum ungliðastarfið og verða að halda með sínu liði sama á hverju dynur svo ekki er furða að breytingar séu fáheyrðar og þaðan af síður að menn hampi sínum eigin skoðunum. Skoðanir skulu slípast til af liðinu sem maður heldur með áður en þær eru lagðar fram og einnig skulu þær taka mið af almenningsálitinu sískemmtilega sem jú fylgir sínum beina og breiða farvegi enda er það auðveldara en hitt og svo sem enginn til að bjóða upp á aðra valkosti þar sem ekki telst vænlegt til árangurs að breyta út af vananum. Vaninn sem án efa hefur lagt margan ágætan manninn að velli því það er oft á tíðum afskaplega freistandi að gefast bara upp og láta sig fljóta með straumnum.

Ég hef skoðanir sem ég viðra alls ekki nógu oft. Ég hef hugsjónir sem ég fylgi alls ekki nógu oft eftir. Ég telst skrítinn... en verð vonandi skrítnari.

zycwyicm

2006-11-13T00:36:00.000Z

"Chelsea in market for Salami."

osttnmrl

2006-11-10T13:49:00.000Z

Íþróttavöruverslun nokkur í anusi höfuðborgarsvæðisins, Hafnarfirði, auglýsir til sölu "gerviskó". Skóbúnaður sá hlýtur að vera tilvalinn fyrir þá er æfa bara í þykjustunni.

fygnqqs

2006-11-09T11:18:00.000Z

"Japanskt sjúkrahús ætlar að útbúa barnalúgu, þar sem mæður geta stungið inn börnum sem þær vilja ekki eða geta ekki annast. Börnunum verður svo komið í fóstur."

Hin prýðilegasta hugmynd en mér hugnast mín hugmynd þó betur um að leyfa bara fóstureyðingu þar til fóstrið nær 18 ára aldri! Með því móti má losa sig við börn fljótt og auðveldlega sem reynast erfið, leiðinleg eða bara vonbrigði af einhverju tagi. Myndi þetta einnig virka sem hið ágætasta verkfæri til að hafa hemil á börnum, "Viltu haga þér Albert eða ég ríf upp sprautuna, þú manst hvað kom fyrir Konráð bróður þinn!".

codvpaww

2006-11-07T10:52:00.000Z

"Á ég að könta þig?!" sagði hún við vísdómsmolanum "Það er ekki lengdin sem skiptir máli heldur þrengdin!".

grsqzv

2006-10-27T08:20:00.000Z

"Keane wants Butt."

xdqfxk

2006-10-17T08:14:00.000Z

"Rice to Asia."

wblfpx

2006-10-16T11:37:00.000Z

Það væri að bera í bakkafullan lækinn að bera í bakkafullan lækinn.

izhqajn

2006-10-13T15:27:00.000Z

Ekki nema furða að menn óttist föstudag hinn þrettánda, þjóðsögur herma að Jason nokkur komi og höggvi mann og annan í herðar niður.

spplyg

2006-10-12T23:29:00.000Z

Þetta er ekki hér.

nwfmpnjp

2006-10-11T08:44:00.000Z

Allt ljós varpar skugga.

dvzzy

2006-10-10T20:44:00.000Z

Leikritið Mein Kampf er skemmtilegra en garðsláttur.

fzdrtj

2006-10-09T09:00:00.000Z

Það getur verið óþægilegt að heita Sigrún ef maður er ekki kona.

iednxsqd

2006-10-08T03:01:00.000Z

Konur með lystarþol eru vel séðar.

hktph

2006-10-07T00:01:00.000Z

Allt fram streymir. Nema stundum.

qaweotic

2006-10-06T23:59:00.000Z

Gluggar sálarinnar eru sjónvarp lærða mannsins. Skjár einn er sjónvarp Sigga sem hætti í Fjölbrautaskólanum í Ármúla og vinnur nú á lager.

ógeðið þitt!

2006-10-05T01:43:00.000Z

Börn eru eins og eldhúsrúllur. Rifna auðveldlega.

mofo

2006-10-04T08:11:00.000Z

Það myndu flestir kjósa móðurlíf fram yfir föðurdauða.

vel syndgur

2006-10-03T00:04:00.000Z

Þessi leturgerð fer vel við skriftir segja mér kaþólskir menn.

á

2006-10-02T12:13:00.000Z

Að eiga leiðinlega konu er eins og að gleyma að skeina sér.

kvöl

2006-10-01T16:03:00.000Z

Öl rímar við þvöl. Tilviljun?

hengiket

2006-09-30T01:41:00.000Z

Samhengi er ofmetið. Sturtuhengi eru aftur á móti vanmetin. Það minnir mig á góða sögu.

hættur

2006-09-29T23:54:00.000Z

Hættur eru ekki hættur ef forvarnir bananalýðvelda bera ávöxt. Það á líka við í gúrkutíð.

"veitt með vinum - sogið í ölfusi"

2006-07-24T14:58:00.000Z

Ek held barasta að ég sé lox hættur þessu.

má það?!

2006-06-03T21:33:00.000Z

Mér finnst stelpur vera að svindla ef þær heita Kolbrún eða Tinna, tala nú ekki um ef þær heita báðum nöfnum, ef þær eru ekki dökkhærðar eða dökkleitar. Ég átti upphaflega að heita Fabíó en það er allt önnur saga...