:: æluskjóðan ::

:: mánudagur, mars 08, 2004 ::
.oh lord won't you buy me a mercedes benz.

Hann Sigmundur Ernir bætti við sig nokkrum virðingarprikum í mínum bókum með viðtali sínu við Gunnsa Kross. Þetta var ekkert drottningarviðtal heldur tveggja manna tal og oft á tíðum rökræður þar sem Gunnar komst ekki upp með það sem hann hefur löngum komist upp með í viðtölum, að vaða uppi með hávaða og dónaskap. Menn sem standa á sinni sannfæringu og geta fært rök fyrir máli sínu tel ég virðingarverða menn. Gunnar er vissulega bráðgáfaður einstaklingur en sleggjudómar og einstrengingsháttur teljast varla til betri kosta manneskjunnar.

Annað sem fangaði athygli mína var bílferð Gunnars með Sigmundi í gamla Benzinum sínum. Var töluvert gert úr því að hann teldi sig ekki þurftafrekan mann og honum nægði þessi gamli jálkur... jadajada... blablabla... það var nánast að englavængirnir fylgdu með bílgreyinu, vantaði bara upp á að hann færi um með strætó svo hann teldist fullgildur engill! En hvað um það, mér er svo sem nokk sama hvort hann lifi flott á þessum trúarbisniss sínum eður ei en ég veit ekki betur en að maðurinn hafi árum saman keyrt um á flottum forstjórajeppum en ekki gömlum fólksbílum. Mér er því spurn, var atriðið sviðsett fyrir þáttinn eða hefur Gunnsi kaddlinn orðið nægjusamari með aldrinum?

:: rassgat 19:35 [+] : ::
...