:: æluskjóðan ::

:: laugardagur, júní 19, 2004 ::
.hver er davíð?.

Hversu oft hef ég ekki fengið þessa klassísku spurningu en mér hefur liðið ágætlega í skugganum hingað til. En sökum mikillar eftirspurnar hef ég ákveðið að varpa smá ljósi á Davíð. Hér eftir fer örstuttur útdráttur í ævisögu minni "Of course everyhting looks bad if you remember it!"... enjoy:

Fæðingardagur er ekki alveg ljós en kaddlinn mun hafa verið ættleiddur af munaðarleysingjahæli á Möltu af samkynhneigðum svertingjum í norður-Noregi þar sem hann eyddi megninu af æskunni í það að búa til göt á kleinuhringi fyrir sovésku kaffihúsakeðjuna Komrad Koffein. Strauk gaurinn svo að heiman eftir að hafa misst besta vin sinn, finnska skiptinemann og skíðagarpinn Hojhojhoj, í hendur samtakanna Helping Hand sem voru sögð hjálparsamtök fyrir graða hermenn er höfðu misst hendurnar við skyldustörf en reyndist svo vera erótísk nuddstofa/gufubað í Helsinki. En hvað um það, Davíð litli endaði í Amsterdam hvar hann vann við kökubakstur á einu af þessum margrómuðu kaffihúsum Amsturdamms. Þar kynntist hann ást lífs síns, speglinum, eftir að hafa átt í kynvilltu sambandi við speglagerðamanninn Hans Tudilou. Með þessa nýfundu ást og fegurð að leiðarljósi hélt guttinn til München þar sem hann sló umsvifalaust í gegn í tískuheiminum sem "Der Spiegel". En ferillinn tók fljótt dýfu niður á við sökum stífs djammlífernis sem leiddi aftur á móti til góðs kunningsskapar við David Hasselhoff sem hvað eftir annað náði poppperlum í allt að sjöunda sæti þýsku og austurrísku tónlistanna. Eftir eitt magnað djamm í rauðari hverfum Hamborgar kom upp sú hugmynd á meðal Davíðanna að búa til þátt um strandverði í norður-Þýskalandi en sú hugmynd varð síðar, eins og frægt er orðið, að hinum mögnuðu þáttum Baywatch þar sem Davíð lék hægri hönd Davids, hinn austurríska Kurt von Lederhosen, í fyrstu 3 þáttunum áður en slettist upp á vinskapinn í rifrildi yfir aflitun líkamshára. Tók þá við niðurlægingartímabil í lífi Davíðs þar sem hann rak knæpu í Tijuana og lifði nánast einungis á Tequila og mexíhórum í 4 ár en í Mexíkó liggja reyndar eftir Davíð 17 börn og Tekílakeðjan Alka hóll. Lok tekílatímabilsins má rekja til þess er Davíð smyglaði mexíkönum til Bandaríkjanna í krukkum merktum "Famous Tijuana Tequila Pickles" en villtist og endaði í Montréal. Þar komst hann í tæri við plötuútgefandann René og með honum stofnaði hann bojbandið "Oh Boy!" er sló umsvifalaust í gegn í Asíu með laginu "Girl I wanna rock your world and if I can't do that I just wanna make sweet sweet luv and have your children!". En poppstjörnulífstíllinn átti ekki vel við Davíð eftir hið ljúfa líf síðustu ára og flúði hann því til Bangkok norðursins, Reykjavíkur, ásamt þáverandi ástkonu sinni Leoncie þar sem hann hóf líf sitt sem íslendingur í barnadeild Sláturfélags Suðurlands en komst síðar til gríðarlega metorða innan Íslandspósts þökk sé Færeysku mafíunni (FM) sem hann sá lengi fyrir skerpiketi og rúmfötum. Hvað verður svo um drenginn, vandi er um slíkt að spá en heyrst hefur af kombakki Davíðs og Hasselhoffs á rappplötu á þýsku sem gefin verður út af Sony í Japan von bráðar... stay tuned!

:: rassgat 18:38 [+] : ::
...