:: æluskjóðan ::

:: miðvikudagur, janúar 12, 2005 ::
.rip radio.

Jæja, þá er útvarp á Íslandi lox dáið eftir langa sjúkralegu. Lokað var fyrir X-ið og Skonrokk í kveld (einnig eru smælingjarnir Stjarnan og Útvarp Reykjavík látnir) og er því úr litlu að moða orðið. Eftir eru RÚV, Útvarp Saga (sem ný talmálsstöð antikristanna á Skonrokkstíðninni mun ganga af dauðu innan skamms), kristilegar útvarpsstöðvar, lyftutónlistarstöðvarnar Mix, Bylgjan og Létt, pleilistahórurnar á FM957 og Kiss FM, dreifarastöðvar, Kaninn, alkastöðin og svo Útvarp Latibær... jei, magnað úrval! Það er vonandi að Hausverksgaurarnir á Kiss og Mix eða Matti, Doddi og co. á X-inu sjái sér fært að henda upp skítsæmilegri rokkstöð á næstunni því það er markaður fyrir slíka stöð... það versta er bara að þegar Íslenska útvarpsfélagið áttar sig á því að þegar slík stöð gengur þá kaupa þeir hana bara ellegar stofna áþekka stöð til að drepa samkeppnina. Svo er auðvitað allt sem gengur á miðlum þeirra hent í lokaða dagskrá, sbr. 70 mínútur, Tvíhöfði og Valtýr Björn og blessaðar kindurnar kaupa þetta allt hrátt. Öss!

Hér eftir verður maður bara að láta sér nægja tónlistina sem maður kaupir hjá Smekkleysu og 12 tónum, netvarp, útvarpsstöðvar Breiðbandsins eða einfaldlega það sem maður dánlódar ólöglega... lifi Netið!

:: rassgat 21:22 [+] : ::
...