:: æluskjóðan ::

:: mánudagur, júlí 18, 2005 ::
.futuramalamadingdong.

Sökum óvissu varðandi hvort boði um skólavist erlendis verði tekið hefur minns ákveðið að hafa fleiri valkosti er heim verður komið eftir verslunarmannahelgi og sótt því um stöðu útvarpsstjóra RÚV. Meðal fyrstu verkefna undirritaðs ef því starfi verður tekið verður að setja Baywatch aftur á dagskrá í tilefni af afmæli stórstirnisins David Hasselhoff þessa helgina (Hvurslax fréttamat er þetta hjá íslenskum fjölmiðlum? Hvar var umfjöllunin um afmælið? Tja, maður spyr sig!) auk þess að efna til eitístónlistarmarþons í líkingu við það er skemmti oss á sænska ríkissjónvarpinu sl. laugardaxkveld. Að auki verður tónlist á borð við Elvis Presley, Pink Floyd, The Who, Led Zeppelin og raunar hvaðeina sem mér dettur í hug stranglega bannað á rásum RÚV enda hef ég aldrei haft smekk fyrir þessum leiðindum sem annar hver maður snobbar fyrir... og snarlega verður látið af kynþáttafordómum þeim er tröllríða fjölmiðlum skersins og Leoncie fengin viðeigandi sess í tónlistarlífi landans.

Og talandi um helgi verslunarmanna. Rétturinn á stórútihátíðinni EY2005 hefur verið framseldur til ungra athafnamanna hjer í bæ og mun því hátíðin að öllum líkindum verða haldin með óbreyttu sniði á Hagatorgi laugardaxkveldið 30. júlí í minningu undirritaðs.

Með ástar- og saknaðarkveðjum,

B. Davíð Husby,
fjöllistamaður.

:: rassgat 18:34 [+] : ::
...